09:55, 18 - شىلدە 2015 | GMT +5
بىشكەكتە ولتىرىلگەن لاڭكەستەر ايت نامازى كەزىندە تەراكت جاساماق بولعان - كەسكىن
استانا. قازاقپارات - ارنايى قىزمەت وكىلدەرى ولتىرگەن سودىرلار توبى بىشكەكتە ايت نامازى كەزىندە تەراكت جاساماق بولعان، دەپ حابارلادى كەشە ۇلتتىق قاۋىپسىزدىك مەملەكەتتىك كوميتەتىنىڭ رەسمي وكىلى (ۇ ق م ك) راحات سۋلايمانوۆ.
«كۇدىكتىلەر حالىقارالىق لاڭكەستىك ۇيىمنىڭ مۇشەلەرى. بىزدە ولاردىڭ بىشكەكتە لاڭكەستىك جاسايىن دەپ جاتقانى تۋرالى اقپارات بولعان»، - دەدى ارنايى قىزمەت وكىلى.
ۇ ق م ك جەدەل قىزمەتكەرلەرىنىڭ دەرەكتەرىنە قاراعاندا، تەراكتىلەردى 17- شىلدەدە بىشكەكتەگى ەسكى الاڭدا مەرەكەلىك ايت نامازى كەزىندە جاساۋ جوسپارلانعان، دەپ حابارلايدى كيرتاگ.
ەسكە سالا كەتەيىك، ۇ ق م ك جەدەل قىزمەتكەرلەرى لاڭكەستەردىڭ قولعا ءتۇسىرۋ شاراسىن وتكىزدى. ولاردىڭ ەكەۋى كۇندىز بىشكەك ماڭىندا ءولتىرىلدى، تاعى ەكەۋى كەشكە قالا ورتالىعىندا اجال قۇشتى. بەس كۇدىكتى ۇستالدى. ولاردىڭ لاڭكەستىك ۇيىمدارعا قاتىستىلىعى انىقتالىپ جاتىر. ارنايى شارا بارىسىندا ۇ ق م ك «الفانىڭ» 4 جاۋىنگەرى جاراقاتتاندى.
