اركتيكادا مەشىت سالىنۋدا

 استانا. قازاقپارات - كانادانىڭ نۋناۆۋت اركتيكالىق ايماعىندا مۇسىلماندار ءۇشىن تۇڭعىش رەت مەشىت سالىنۋدا.

قۇرىلىسشىلار سۋىق كليمات جاعدايىندا ءارى تاۋلىگىنە 22-23 ساعات اۋىز بەكىتكەن كۇيى تەر توگىپ، مەشىت تۇرعىزۋدا، دەپ حابارلانعان «نۇر استانا» مەشىتىنىڭ سايتىندا.

نۋناۆۋت يسلام قوعامداستىعى باس حاتشىسى مۇحامەد حاسان جۇمىسشىلارمەن سۇحباتتاسۋى كەزىندە ولار تاۋلىك بويى ورازا ۇستاپ، قۇرىلىس جۇرگىزۋدە قيىندىق تۇسپەيتىندىگىن ايتقان.

«22-23 ساعات بويى اۋىز بەكىتۋگە داعدىلانعان سوڭ اسا اۋىرلىق سەزىنبەيسىڭ»، - دەيدى مۇسىلمان ۇيىمىنىڭ پرەزيدەنتى سايد اسيف ءالي.

كانادانىڭ سولتۇستىگىندەگى ينۋۆيك قالاسىندا تاۋلىكتىڭ 24 ساعاتى جارىق بولادى. دەگەنمەن، ەلدە بەيرەسمي تۇردە مەككە ۋاقىتى قولدانىلىپ، 9 ساعاتتىق ايىرماشىلىققا بايلانىستى كۇن تۇنگە «اۋىسادى». جەرگىلىكتى حالىق مەككە ۋاقىتىمەن اۋىز بەكىتىپ، وسىنداي ۋاقىت كولەمىندە قۇلشىلىق جاسايدى.