05:15, 17 - شىلدە 2015 | GMT +5
گرەكيا ارالدارىن لوندونداعى پاتەردىڭ قۇنىنا تەڭ باعاعا ساتۋدا
استانا. قازاقپارات - ەۋروكوميسسيا ءتوراعاسىنىڭ ورىنباسارى ۆالديس دومبروۆسكيس رەسمي مالىمدەمە جاسادى. وعان سايكەس، گرەكيا ۇكىمەتى جەرورتا تەڭىزىندەگى جان بالاسى تۇرمايتىن ارالدارىن ساتۋ تۋرالى شەشىم قابىلداپتى.
گرەكتەر ەلدىڭ كۇيرەگەن بانك جۇيەسىن قۇتقارىپ قالۋ ءۇشىن قولدان كەلگەننىڭ ءبارىن جاساۋدا، دەپ حابارلايدى informing.ru.
ءبىر ارالدىڭ باعاسى لوندونداعى پاتەردىڭ قۇنىمەن بىردەي بولادى ەكەن. حالىقارالىق نەسيە بەرۋشىلەردەن دەمەۋ كۇتكەن گرەكياعا 80 ميلليارد ەۋرو ءبولىنۋى مۇمكىن. ءبىراق مۇنداي كومەكتى الۋ ءۇشىن گرەكتەر كورپەسىنە قاراي كوسىلىپ، قاتاڭ ۇنەمدەگەننىڭ ۇستىنە ۇنەمدەي تۇسۋلەرى كەرەك.
