ۋكراينادا قازاقستاننان گاز ساتىپ الۋ ماسەلەسى قايتا كوتەرىلدى

استانا. قازاقپارات - ۋكراينا قازاقستان مەن تۇركمەنستاننان گاز ساتىپ الۋعا مۇددەلى، - دەپ حابارلايدى  ر ي ا نوۆوستي  ۋكراينانىڭ ەنەرگەتيكا جانە كومىر مينيسترلىگىنىڭ ەۋروينتەگراتسيا باسقارماسىنىڭ باسشىسى ميحايل بنو- ايريانعا سىلتەمە جاساپ.

ونىڭ مالىمەتىنشە، بۇل تۋرالى ۋكراينانىڭ ۆيتسە- پرەمەرى گەننادي زۋبكو مەن قازاقستاننىڭ ۆيسە- پرەمەرى باقىتجان ساعىنتايەۆتىڭ كەزدەسۋىندە ايتىلدى. كەزدەسۋگە ۋكراينانىڭ ەنەرگەتيكا ءمينيسترى ۆلاديمير دەمچيشين دە قاتىستى.

«مينيستر: ءبىز قازاقستاندا گاز ساتىپ الۋعا دايىنبىز. وسى ماسەلەگە قايتا اينالىپ كەلۋ قاجەت. ونىڭ ترانزيتى ماسەلەسىندە قيىندىقتار بار، ءبىراق ماسەلەنى شەشۋ كەرەك»، - دەپ جازدى ەنەرگەتيكا مينيسترلىگىنىڭ وكىلى Twitter جەلىسىندە بۇل كەزدەسۋ جايلى. «تۇركمەنستاننىڭ گازىن قازاقستان تەرريتورياسىنان وتەتىن ترانزيتى وسىعان ۇقساس جاعداي. بىزگە ترانزيت پەن ورتالىق ازيالىق گازدى جەتكىزۋ كەرەك»، - دەدى ول.

ەسكە سالايىق، ناتيجە بەرمەگەن كەزەكتى ءۇشجاقتى كەزدەسۋلەردەن كەيىن 30 - ماۋسىمدا ۋكراينا رەسەي فەدەراتسياسىنان گازدى ساتىپ الۋدى توقتاتتى جانە قازىر گازدى ريەۆەرس ارقىلى ەۋروپادان الىپ جاتىر. 1 - شىلدەدە «گازپروم»  ۋكرايناعا گاز جەتكىزۋدىڭ توقتاتىلعانىن راستادى. «گازپروم» ەشقانداي دا الدىن الا تولەم جاسامايىنشا قانداي دا ءبىر باعامەن ۋكرايناعا گاز جەتكىزبەيدى»، - دەپ مالىمدەدى كومپانيا باسقارماسىنىڭ ءتوراعاسى الەكسەي ميللەر.