قازاقستان ۇلتتىق تەلەارناسىندا «قىزىل سارايداعى ءتۇس» تەلەحيكاياسى ەفيرگە شىعادى - فوتو
«قىزىل سارايداعى ءتۇس» - ساۋ شيۇجيننىڭ (1724 - 1764) ەڭ اتاقتى رومانى. بۇل - سزيا اۋلەتىنىڭ ەكى بۋىنىنىڭ قۇلدىراۋىن، سونداي- اق، كوپتەگەن اعايىن- تۋىستارىنىڭ تاعدىرىن باياندايتىن تۋىندى.
قىتايدىڭ باسقا روماندارىنا قاراعاندا، «تۇستە» جۇيەلى كومپوزيتسيا بار. ءبىرىنشى روماندا جازۋشى كەيىپكەرلەردىڭ كوڭىل- كۇيىن ءار دەتالىنە دەيىن سۋرەتتەيدى. «قىزىل سارايداعى ءتۇس» - 18 - عاسىردا جازىلعان كلاسسيكالىق قىتاي رومانىنىڭ تەلەۆيزيالىق نۇسقاسى. فيلم اتاۋىنىڭ ەكى ماعىناسى بار. ءبىرى - « قىزىل ساراي» بۇل - اقسۇيەك اۋلەتتەردىڭ قىزدارى ءومىر سۇرەتىن جەر بولسا، ەكىنشى ماعىناسى 5- بولىمدە باستى رولدەگى كەيىپكەر باويۋي كورەتىن ءتۇس. ياعني، ونىڭ تۇسىندە ءبىراز كەيىپكەرلەردىڭ تاعدىرى وسى « قىزىل سارايدا» شەشىلەدى.
تەلەحيكايا ادام قيالىن چيڭ ديناستياسى كەزەڭىنە تەرەڭىنەن بويلاتادى. تۋىندى ارقىلى قىتايدىڭ حالىقتىق مەديتسيناسى، اسحاناسى، ءشاي مادەنيەتى، ناقىل سوزدەرى، ميفولوگياسى، كونفۋتسي ءىلىمى، بۋدديزيم، داوتسيزمدى، وپەرا، مۋزىكا، سۋرەت ونەرى، كلاسسيكالىق ادەبيەت جانە سول كەزەڭنىڭ باسقا دا اسپەكتىلەرىن بايقاۋعا بولادى.
بەستسەللەرگە اينالعان رومان 100 ميلليوننان استام دانامەن تاراتىلعان.
ال، «DENA-Media Group» مەديا- حولدينگى تۇسىرگەن 50 سەريالىق تەلەحيكايا بيۋدجەتى 18 ميلليون 880 مىڭ ا ق ش دوللارىن قۇرايدى.
http://kaztv.kaztrk.kz/kz
