قىتاي تىلىندە ەسسە جازعان قاراعاندىلىق نيۋ- يوركتەگى ب ۇ ۇ باس اسسامبلەياسى وتىرىسىندا ءسوز سويلەيدى - فوتو
بۇل تۋرالى قاراعاندى وبلىس اكىمى ن. ابدىبەكوۆتىڭ «بولاشاقشىلارمەن» كەزدەسۋى بارىسىندا حابارلاندى.
«2014 - جىلعى جەلتوقساندا ب ۇ ۇ- نىڭ 70 جىلدىعىنا ارنالعان «كوپ ءتىل - ءبىر الەم-2015» ەسسە بايقاۋى ءوتتى. وعان 130 ەلدىڭ 3500 دەن استام ستۋدەنتى قاتىستى. ناتيجەسىندە 70 ۇزدىك جۇمىس ىرىكتەلدى. بايقاۋ جەڭىمپازدارى ب ۇ ۇ شتاب- پاتەرىن دۇنيەجۇزىلىك جاستار فورۋمىنا شاقىرتۋ الدى»، - دەدى و. سۇلەيمەنوۆ.
تۇڭجي (شاڭحاي ق. ) ۋنيۆەرسيتەتىندە ءبىلىم العان «بولاشاقشى» قىتاي تىلىندە ەسسە جازدى، ونى ول قازاقستانداعى حالىقتار دوستىعىنا ارنادى.
«ءار قازاقستاندىق الەم ادامى بولىپ تابىلادى دەپ جازدىم. بۇل سولاي. ەلىمىزدە كوپتەگەن ۇلت وكىلدەرى تۇرادى. بارشامىز بەيبىت، تاتۋلىقتا، كەلىسىممەن ءومىر ءسۇرىپ جاتىرمىز. قازاقستاننىڭ باستى ارتىقشىلىعى دا وسىندا»، - دەپ اتاپ ءوتتى شەت اۋدانى اقسۋ- ايۋلى كەنتىنىڭ مەكتەپ- گيمنازياسىنىڭ تۇلەگى و. سۇلەيمەنوۆ.
دۇنيەجۇزىلىك جاستار فورۋمى كوپ تىلدىلىك، مادەني ءارالۋاندىق، جاھاندىق ازاماتتىق كونتەكستىندە ورنىقتى دامۋ ماسەلەلەرىنە ارنالعان. ۇيىمداستىرۋشىلاردىڭ ايتۋىنشا، جەڭىمپازدار ادەلفي ۋنيۆەرسيتەتىندەگى كونفەرەنتسياعا قاتىسادى. سوسىن 25 - شىلدەدە ب ۇ ۇ باس اسسامبلەياسى وتىرىسىندا ءسوز سويلەيدى.
«مەن كليماتتىق پروبلەمالاردى كوتەرەمىن. قازاق تىلىندە باستايمىن، ءبىراق باياندامام قىتاي تىلىندە. بارشاسىن استاناعا ەكسپو 2017-گە شاقىرامىن. 5 مينۋت قانا سويلەۋگە رۇسقات بەرىلگەن. ويىمدى ايتىپ جەتكىزۋگە تىرىسامىن»، - دەدى ول.
«بولاشاق» باعدارلاماسىنىڭ ستەپەندياتتارىمەن قالا اكىمىنىڭ كەزدەسۋىندە جۇمىسقا ورنالاستىرۋ ماسەلەسى ءسوز بولدى.
«مەملەكەت جولداۋىندا العا قويعان جاھاندىق مىندەتتەردى ىسكە اسىرۋ ءۇشىن العان بىلىكتى بىلىمدەرىڭ ەكونوميكانىڭ باسىم سالالارىنا اسا قاجەت دەپ سانايمىن»، - دەدى اكىم.
ءوڭىر باسشىسى و. سۇلەيمەنوۆكە ب ۇ ۇ- عا تاپسىرۋ ءۇشىن ەستەلىك سىيلىق تابىستادى.
«بولاشاق» باعدارلاماسى باستالعان 22 جىلدا 33 ەلدەگى 200 ج و و- دا 11 مىڭنان استام قازاقستاندىق ءبىلىم الدى، ونىڭ 136 سى - قاراعاندى وبلىسىنان.
