ق ر قورعانىس ءمينيسترىنىڭ باسشىلىعىمەن ەلىمىزدىڭ ءتورت وبلىسىندا اسكەري دايارلىق تەكسەرىلدى - فوتو
ق ر قورعانىس ءمينيسترىنىڭ باسشىلىعىمەن جەرگىلىكتى باسقارۋ ورگاندارىنىڭ ايماقتىق قورعانىس قۇرالىمدارىن تارتۋ ارقىلى الماتى، شىعىس قازاقستان، جامبىل جانە وڭتۇستىك قازاقستان وبلىستارىنا تەكسەرۋ جۇرگىزىلۋدە، دەپ حابارلايدى ۆەدومستۆونىڭ باسپا ءسوز قىزىمەتىنەن.
بۇگىن تاڭعى 6.00-دە اتالعان ءتورت قورعانىس ىستەرى جونىندەگى دەپارتامەنتتىڭ 3000 نان استام اسكەري قىزمەتشىسى مەن اسكەري مىندەتتىلەر ءتيىستى جاۋىنگەرلىك دايارلىق دەڭگەيىنە كەلتىرىلدى. وبلىستىڭ باسقا كۇشتىك قۇرىلىمدارىمەن ءوزارا ءىس- قيمىل ۇيىمداستىرىلىپ، اسكەري مىندەتتىلەردى جيناۋ ءۇشىن حابارلاما تاراتاتىن ورىندار مەن پۋنكتتەر ورىستەتىلدى. قازىر وكىمگە سايكەس جۇمىستار جالعاسىن تابۋدا.
تەكسەرۋدىڭ نەگىزگى ماقساتى وڭىرلەردە ايماقتىق قورعانىستى ۇيىمداستىرۋ ماسەلەسى جونىندەگى ىستەردىڭ شىنايى جاي- كۇيىن باعالاۋ بولىپ تابىلادى.
اتالعان تەكسەرۋ بارىسىندا جەرگىلىكتى اسكەري باسقارۋ ورگاندارىن جۇمىلدىرۋ كەزەڭىنە كوشىرۋ، حابارلاندىرۋ، جيناۋ، ايماقتىق قورعانىس قۇرالىمدارىن جاساقتاۋ ءۇشىن جۇمىلدىرۋ رەسۋرستارىن جەتكىزۋ جانە ولاردى جان- جاقتى قامتاماسىز ەتۋ ءىس- شارالارى وتكىزىلەدى.
