ن. نازاربايەۆ ەلىنە مەيلىنشە پايداسىن تيگىزگەن الەمدىك ليدەرلەردىڭ بەستىگىنە كىرەدى
ءبىلىم جانە عىلىم مينيسترلىگىنە قاراستى مەملەكەت تاريحى ينستيتۋتى مەن «ق ر تۇڭعىش پرەزيدەنتى - ۇلت كوشباسشىسى كىتاپحاناسى» مەملەكەتتىك مەكەمەسىنىڭ قولداۋىمەن جارىققا شىققان كىتاپ اۆتورلارى پروفەسسور بۇركىتباي اياعان مەن ءاليما اۋاناسوۆا.
كىتاپتا جاڭا ادىستەمەلىك ۇستانىمدار نەگىزىندە باستى نازار عاسىرلار توعىسىنداعى ەلباسىنىڭ پروگرەسسيۆتى رولىنە، كسرو داعدارىسىنىڭ مەملەكەت باسشىسىنىڭ ساياسي ساناسىنا اسەر ەتۋ ماسەلەلەرىنە اۋدارىلادى. سونىمەن قاتار، ن. نازاربايەۆتىڭ تاريحي دامۋ بارىسىندا پايدا بولعان ساياسي كوزقاراستارى مەن قابىلداعان شەشىمدەرىنىڭ سەبەپتەرى باياندالادى. بۇدان بولەك، اۆتورلار تاۋەلسىز قازاقستاننىڭ نەگىزىن قالاۋشى ۇلت كوشباسشىسىنىڭ رەفورماتورلىق باعىتىن ءىس جۇزىندە جۇزەگە اسىرۋمەن بايلانىستى اۋقىمدى ماسەلەلەردى قاراستىرادى.
«تاريحي- ءومىرباياندىق جانردا جازىلعان كىتاپتا كوپتەگەن فاكتولوگيالىق ماتەريالدار جيناقتالىپ، ەلباسىنىڭ الەمدىك اۋقىمداعى ساياساتكەر رەتىندە قالىپتاسۋ جايى باياندالادى. ماسەلەن، كىتاپتا مىناداي ءبىر مىسال كەلتىرىلەدى، وقىپ بەرەيىن: «2013 - جىلدىڭ شىلدەسىندە پوست داعدارىستىق الەم ينستيتۋتى قورى الەمنىڭ 68 ەلىنەن 300 دەن استام ساراپشىلارعا ساۋالناما جۇرگىزىپ سونىڭ ناتيجەسىندە: «نۇرسۇلتان نازاربايەۆ - ءوز ەلىنە مەيلىنشە پايداسىن تيگىزگەن الەمدىك ليدەرلەردىڭ بەستىگىنە كىرەتىن بۇگىنگى زاماننىڭ ەڭ تانىمال ساياساتكەرلەرىنىڭ ءبىرى» دەگەن قورىتىندىعا كەلەدى. بۇل وتە جوعارى باعا»، - دەدى جيىن بارىسىندا ءسوز سويلەگەن «ەگەمەن قازاقستان» رەسپۋبليكالىق گازەتى» ا ق پرەزيدەنتى ساۋىتبەك ابدراحمانوۆ.
سونىمەن قاتار، كىتاپتا ەلباسى نۇرسۇلتان نازاربايەۆتىڭ ك س ر و داعدارىسىن ەڭسەرۋدەگى رولىنە دە ۇلكەن ءمان بەرىلىپ، سول كەزدەگى ساياسي ۇستانىمدار مەن شەشىمدەرگە تالداۋلار، جوعارى باعالاۋلار جاسالعان. سونىمەن قاتار، كىتاپتا قازاق، ورىس جانە اعىلشىن تىلدەرىندەگى مۇراعات ماتەريالدارى مەن دەرەكتەر پايدالانىلىپ وتىر.
اۆتور: قانات مامەتقازى ۇلى
