تۇركيانىڭ وڭتۇستىگىندە ءىنجىل ماتىندەرىنىڭ موزايكاسى تابىلدى - فوتو

استانا. قازاقپارات - تۇركيانىڭ وڭتۇستىگىندەگى ادانا اكىمشىلىك وبلىسىندا ارحەولوگتار ءىنجىل ءماتىنى بار كولەمى 120 شارشى مەتردى قۇرايتىن موزايكانى تاپتى، دەپ حابارلادى جەرگىلىكتى BGN News پورتالى.

گرەك تىلىندەگى ءىنجىل ماتىنىنەن بولەك ۇزىندىعى 15 مەتر، ەنى 8 مەتر موزايكادا 16 ءۇي جانە جابايى جانۋارلار بەينەلەنگەن. ولاردىڭ ىشىندە قاسقىر، قوي، قابىلان، ارىستان، وگىز، جىلان بار.

موزايكادا يسا پايعامباردىڭ سوزدەرى كەلتىرىلگەن «قاسقىر مەن قوزى بىرگە باعىلادى، ارىستان دا وگىز سياقتى ءشوپ جەيدى، ال جىلان ءۇشىن شاڭ ازىق بولادى: ولار مەنىڭ قاسيەتتى تاۋىمدا زۇلىمدىق جاسامايدى جانە زيان تيگىزبەيدى، دەيدى قۇداي».