ورالدا ماشينا ءدامحانانىڭ توبەسىنە ۇشىپ كەتتى

استانا. قازاقپارات - ورالدا اۆتوموبيل ءدامحانانىڭ شاتىرىنا ۇشىپ كەتتى، - دەپ حابارلايدى «مويگورود» باسىلىمى. وقيعا بۇگىن، 16- ماۋسىم كۇنى تاڭعى ساعات 06.00 شاماسىندا بولدى.

كۋاگەرلەردىڭ ايتۋىنشا، وقيعا بولعان كەزدە عيمارات ىشىندە 4 ادام بولعان. «ءبىز دامحانانىڭ ىشىندە بولدىق. كەنەتتەن قاتتى داۋىس ەستىلىپ، اينەكتەر سىنىپ كەتتى. جازعى الاڭعا جۇگىرىپ شىقتىق، وندا ءبىر قىز ۇيىقتاپ جاتقان، سونى كولىك قاعىپ كەتتى دەگەن وي كەلدى. قاراساق، ءبارى دۇرىس. دالاعا شىقساق ءبىر جىگىت وتىر، شاتىردان بەنزين اعىپ جاتتى»، - دەدى ءدامحانا قىزمەتكەرى.

وقيعا ورنىنا كەلگەن جەدەل جاردەم قىزمەتكەرىنىڭ ايتۋىنشا، ءدامحانا ماڭىندا بولعان ءۇش جىگىت تە ماس بولعان. «بىرەۋىنىڭ جاعدايى تىم ناشار بولدى، ەكەۋى قاتتى جاراقاتتانعان. ۇشەۋى دە اۋرۋحاناعا جەتكىزىلدى»، - دەدى ول.

باسىلىمنىڭ مالىمەتىنشە، اۆتوموبيلدە بولعانداردىڭ بىرەۋى قاشىپ كەتكەن. وقيعا ورنىندا قۇقىق قورعاۋ ورگاندارىنىڭ قىزمەتكەرلەرى جۇمىس ىستەپ جاتىر.