قۇرلىق اسكەري ينستيتۋتىنىڭ كۋرسانتتارى قىلمىستىق توپتى «قۇرىقتادى» - فوتو
باتالون تاڭەرتەڭگى دابىل بويىنشا قىلمىستىق توپ جاسىرىنىپ جاتقان اۋماققا قاراي بەت الدى. وندا قۇرلىق اسكەريلەرى وزدەرىمەن بىرگە ت-72 تانكىن، ب م پ-2, ب ت ر-80, سونىمەن بىرگە د-30 ارتيللەريالىق قارۋلارىن الىپ، جاۋعا قاراي وق جاۋدىردى.
وقۋ-جاتتىعۋعا اۋە قورعانىسى كۇشتەرى مەن شەكارا قىزمەتى دە تارتىلعانىن ايتا كەتكەن ءجون. شەكاراشىلار تەحنيكالىق زاتتاردى تەكسەرىپ، جاۋدى قىزمەتتىك يتتەردىڭ كومەگىمەن ۇستاۋدى كورسەتتى. اۋە قورعانىسى كۇشتەرى مي-8 تىكۇشاعىنان دەسانتتى ءتۇسىرۋدى قامتاماسىز ەتتى.
ناتيجەسىندە وپەراتسيا ءساتتى ورىندالىپ، قىلمىستىق توپ وكىلدەرى ۇستالدى جانە شتابقا جەتكىزىلدى.
وقۋ-جاتتىعۋدى قورىتىندىلاعان قۇرلىق اسكەرلەرى اسكەري ينستيتۋتىنىڭ باستىعى، گەنەرال-مايور ۆاسيلي رىسبايەۆ كۋرسانتتاردىڭ جيناقىلىعىن، ءىس جۇزىندە جوعارعى ماشىقتانعان داعدىلارى مەن تەوريالىق بىلىمدەرىن اتاپ ءوتىپ، ۇزدىكتەردى قۇرمەت گراموتالارىمەن ماراپاتتادى.
