ەلىمىزدە ىشىمدىك ساتاتىندار زاڭ تالاپتارىن ورىنداي ما؟
ياعني وندا كەشكى 21:00 دەن باستاپ، كەلەسى كۇنگى ساعات 12:00 گە دەيىن سپيرتتىك ىشىمدىكتەردىڭ ساتىلۋىنا تىيىم سالىنعان ەدى. الايدا سولتۇستىك قازاقستان وبلىسىندا بۇل ەرەجەنى ەلەمەيتىندەر بار.
پەتروپاۆل قالاسىنىڭ قاق ورتاسىندا ورنالاسقان دۇكەننەن كۇن باتىپ قاراڭعى تۇسسە بولعانى، قالا كەزىپ اراق- شاراپ ىزدەگەندەردى وسى ماڭنان كەزدەستىرۋگە بولادى. ءتىپتى كەيدە اشى سۋعا تويىپ العاندار جۇدىرىقتاسىپ جاعا جىرتىسىپ جاتادى دەپ وتىر تۇرعىندار.
ۆەرا بەليەۆيچ، قالا تۇرعىنى:
- كەش تۇسە سالىسىمەن بۇل دۇكەننىڭ ماڭىنا نەشە ءتۇرلى ادامدار جينالادى. الاتىندارىن الىپ، ءۇي اۋلاسىندا وتىرادى. سولاردىڭ كەسىرىنەن تۇنگى ساعات 3-4 كە دەيىن ۇيىقتاي المايمىز. ويلارىنا كەلگەندەرىن جاسايدى. مۇنىڭ ءبارى وسى ساۋدا ورنىنىڭ كەسىرىنەن. ولارعا زاڭ جۇرمەيتىن سياقتى. ياعني سپيرتتىك ىشىمدىكتەردى كەز كەلگەن ۋاقىتتا ساتا بەرەدى. تۇنگى ساعات 00:00 دىڭ شاماسىندا قالانىڭ باسىم بولىگى ۇيقىعا كەتەدى.
الايدا سپيرتتىك ىشىمدىك ىزدەگەندەر دۇكەن ماڭىن جاعالاپ ءجۇر. جالپى پەتروپاۆلدا الكوگولدىك ونىمدەر قانشالىقتى زاڭدى ساۋدالانۋدا؟! وسىنى انىقتاۋ ءۇشىن ارنايى وپەراتسياعا شىققان بولاتىنبىز. 24 ساعات بويى جۇمىس جاسايتىن ساۋدا ۇيىنە راسىندا دا ءتۇن ۋاقىتىندا كەلىپ- كەتىپ جاتقان ازاماتتاردىڭ قاراسى قالىڭ بولدى.
ءتىپتى قوعامدىق ءتارتىپتى بۇزىپ، اشى سۋعا سىلقيا تويىپ العانداردى دا جولىقتىردىق. انە- مىنە دەگەنشە ءبىزدىڭ ازاماتتار ءوز جۇمىستارىنا دا كىرىسىپ كەتتى. جالپى بۇل ساۋدا ءۇيىنىڭ الكوگول ونىمدەرىن ساتىپ كەلە جاتقانىنا بىرنەشە جىلدىڭ ءجۇزى بولعان.
ءتىپتى 2-3 مارتە ايىپپۇلدا سالىنىپتى. الايدا ساۋدا ورنى زاڭسىز قىلىعىن ءالى دە توقتاتار ەمەس. سونداي-اق بيىلعى جىلدىڭ ءبىرىنشى توقسانىندا مەملەكەتتىك كىرىس باسقارماسىنىڭ ماماندارى وڭىردە الكوگولدى ونىمدەردى ليتسەنزياسىز ساۋدالاپ كەلگەن 11 ادامدى ۇستاعان.
ولارعا 1,5 ميلليون تەڭگەنىڭ اكىمشىلىك حاتتاماسى تولتىرىلىپتى. ەندى، سالىق قىزمەتكەرلەرى حالىق كوپتەپ جينالاتىن ساياباقتاردا وسى باعىتتا ارنايى تەكسەرىس جۇمىستارىن جۇرگىزبەك. سەبەبى زاڭنىڭ اتى زاڭ جانە ول ورىندالۋ كەرەك.
www.24.kz
