تورعايدا سايعاقتاردىڭ قىرىلۋىن زەرتتەۋشىلەر ەكىنشى بەلگىسىز شار تاپتى

استانا. قازاقپارات - كيىكتەردىڭ جاپپاي قىرىلۋىنان كەيىن قازاقستاننىڭ بيو الۋان تۇرلىلىگىن ساقتاۋ قاۋىمداستىعى ۇيىمداستىرعان ەكسپەديتسيا ءوز جۇمىسىن اياقتادى، دەپ حابارلادى «ناشا گازەتا».

بۇل جانۋارلاردىڭ 130000 استامىنىڭ قىرىلۋى - بيولوگيالىق اپات. سايعاقتاردىڭ جاپپاي قىرىلۋى بۇل جەرلەردە قاۋىپتىڭ ەرەكشە فاكتورى پايدا بولدى دەگەن ويدىڭ تۋۋىنا سەبەپ بولدى. مۇنى انىقتاۋ ءۇشىن ەكسپەديتسيانىڭ 9 مۇشەسى ەڭبەكتەندى. ولاردىڭ ىشىندە زوولوگتار، ينفەكتسيالىق اۋرۋلار جانە زىمىران-عارىش قىزمەتى بويىنشا ماماندار بولدى.

ەكسپەديتسيا جۇمىسى 27- ماۋسىمدا قىزىلوردا وبلىسىندا باستالىپ، 12 كۇنگە سوزىلدى.

ەكسپەديتسياعا قاتىسقان فرانكفۋرت زوولوگيالىق قوعامىنىڭ وكىلى شتەفان تسۋتار تورعايدا ولار بۇعان دەيىن جايلاۋدا تاپقان شاردىڭ ەكىنشىسىن بايقاعانىن ايتتى. ونى رادياتسيالىق قاۋىپىن تەكسەرگەن، شار امانگەلدى اۋدانىنىڭ پوليتسياسىندا ساقتاۋلى تۇر.

ەكسپەديتسياعا قاتىسۋشىلاردىڭ سوزىنە قاراعاندا، كيىكتەردىڭ قىرىلۋىنا ونىڭ ەش قاتىسى جوق.