عالىمدار قارا بارىسقا قاتىستى تىڭ جاڭالىق اشتى

استانا. قازاقپارات - بۇگىنگە دەيىن ءبىرتۇتاس قارا ءتۇستى سانالىپ كەلگەن بارىستاردىڭ تەرىسىنە قاتىستى جاڭالىق اشىلدى.

زوولوگ- عالىمداردىڭ ايتۋىنشا، نەگىزى بۇل جانۋاردىڭ تەرىسى شۇبار بولىپ كەلەدى ەكەن. ولار مۇنى جىرتقىش تەرىسىن ينفراقىزىل ساۋلەنىڭ كومەگىمەن قاراستىرۋ كەزىندە انىقتادى.

سويتسە، تابيعاتىنان اڭشى بولىپ جارالاتىن قارا بارىستار كوزگە تۇسپەۋ ءۇشىن ءتۇسىن شۇبارعا وزگەرتە الادى ەكەن. قارا بارىستار كوپ مەكەن ەتەتىن مالايزيا جەرىندە ورناتىلعان بەينەكامەرالار وسى جايتكە دالەل رەتىندە اتالۋدا.

ال زەرتتەۋگە قاتىسقان عالىمدار جىرتقىشتىڭ بۇل قاسيەتىنىڭ وتە ماڭىزدى فاكتور ەكەندىگىن ايتتى. سەبەبى سانالى ادامزات بالاسى ۇستەمدىك ەتكەن الەمدە قارا بارىستىڭ ءوز تەرىسىنىڭ ءتۇسىن قۇبىلتۋى ونىڭ اڭ رەتىندە ءتىرى قالۋىنا كومەكتەسەدى. سەبەبى قازىر جىرتقىشتاردىڭ بۇل تۇرىنە جويىلۋ قاۋپى تونگەن، دەپ جازادى planet-today.ru.

www.24.kz