سامسۋنگ الەمدەگى ەڭ جىڭىشكە سمارتفوندى تانىستىردى

استانا. قازاقپارات - كومپانيا الەمدەگى ەڭ جىڭىشكە GALAXY A8 سمارتفونىن كوپشىلىككە تانىستىردى.

ءبىر قىزىعى، بىرەگەي گادجەت وڭتۇستىك كورەيا كومپانياسىنىڭ قىتايلىق رەسمي سايتىندا ءدۇيىم جۇرتتىڭ نازارىنا ۇسىنىلدى، دەپ حابارلايدى planet-today.ru.

تاعى ءبىر ايتا كەتەرلىك ءجايت: جاڭا سمارتفوننىڭ قالىڭدىعى - 5,9 ميلليمەتر. بۇل ونىڭ Apple كورپوراتسياسىنىڭ iPhone 6 قۇرىلعىسىنان 1 ميلليمەترگە جۇقا ەكەندىگىن كورسەتەدى. بۇعان قوسا، سمارتفوننىڭ microSD جادى كارتاسى بار. GALAXY A8 جىڭىشكەلىگىنە قاراماستان، ەكى سيم- كارتامەن جۇمىس ىستەيدى.

گادجەتتىڭ 5,7 ديۋيمدى دياگونالى بار. ال ەكرانى Super AMOLED تەحنولوگياسى بويىنشا جاسالعان. الەمدەگى ەڭ جىڭىشكە سمارتفوننىڭ سالماعى - 151 گرام. قىتاي نارىعىندا ونى 500 دوللارعا ساتىپ الۋعا بولادى. سمارتفوننىڭ وزگە ەلدەردە قاشان ساتىلاتىنى ازىرگە بەلگىسىز.

www.24.kz