پولشادا تۇرمە ساۋداعا شىعارىلدى

استانا. قازاقپارات - لەجيتسا قالاسىنىڭ بيلىگى سوڭعى 2 عاسىر بويى تەمىر قاپاس بولىپ كەلگەن كونە عيماراتتى ساتىپ جاتىر.

ونداعى ەسكى تەلەديدارلار مەن تەلەفوندار جانە تۇرمە كيىمدەرى دە جاڭا قوجايىندارىن كۇتىپ تۇر. نىساننىڭ جالپى قۇنى 250 مىڭ ەۋروعا باعالانعان. ول ⅩⅢ عاسىردا موناستىر رەتىندە سالىنعان. ⅩⅤ عاسىردان وتكەندە تۇرمەگە اينالىپ، تەك 2006 -جىلى عانا جابىلدى.

كەيىن بۇل عيمارات كورمەلەر وتكىزۋ جانە فيلمدەر ءتۇسىرۋ ءۇشىن جالعا دا بەرىلگەن. ءبىراق ۇسىنىس از بولعاندىقتان، پايدا اكەلمەي تۇرعان جايى بار.

اندجەي بورۋتسكي، ايماقتىق مۇراجاي ديرەكتورى:

- مۇندا قاۋىپتى قىلمىسكەرلەر مەن ساياسي تۇتقىندار جازا مەرزىمىن وتەگەن. ال ەكىنشى دۇنيەجۇزىلىك سوعىس جىلدارىندا بۇل جەردە ەۆرەيلەر قاماۋدا بولدى. تۇرمەنىڭ تاريحى 2 عاسىرلىق مەرزىمدى قامتيدى.

www.24.kz