بريتانيا گرەكياعا كومەك كورسەتپەيدى
افينىنىڭ قارجىعا سۇرانىسى جەتى ميلليارد ەۋرو. ە و كوشباسشىلارى گرەكياعا ەۋروپالىق قارجىلىق تۇراقتىلىق تەتىگىنىڭ قاراجاتىن پايدالانىپ، بريدج-كرەديت بەرۋدى تەرىس كورمەيدى. EFSM- گە ە و- نىڭ بارلىق مەملەكەتى، ونىڭ ىشىندە ەۋروايماققا كىرمەيتىن ۇلى بريتانيا دا قاتىسادى.
«ءبىزدىڭ ۇستانىم ءاردايىم ناقتى - بريتاندىق سالىق تولەۋشىلەردىڭ اقشاسى گرەكيا بويىنشا ەۋروايماقتىڭ ۋاعدالاستىعىن قارجىلاندىرۋعا پايدالانىلماۋى ءتيىس. سوندىقتان دا بۇل مۇمكىن ەمەس»، - دەگەن كەمەرون وكىلىنىڭ ءسوزىن كەلتىردى رەيتەر اگەنتتىگى.
«پىكىرتالاس بۇگىن وتۋدە. ءبىرقاتار ەلدىڭ بىلدىرگەن ويى الاڭداۋشىلىق تۋعىزۋدا. كەيبىر ماسەلەلەر وڭىنان شەشىلەدى دەپ ويلايمىن»، - دەدى ول.
كەشە بريتانيا قارجى ءمينيسترى دجوردج وسبورن بريتاندىقتاردىڭ گرەكياعا كومەككە قاتىسۋ يدەياسىن مۇمكىن ەمەس دەپ مالىمدەدى.
