ادامزات گالاكتيكانىڭ تۇكپىرىندەگى عالامشارعا تۇڭعىش رەت جەتتى

بۇل تۋرالى NASA عارىش اگەنتتىگىنىڭ Twitter جەلىسىندەگى رەسمي پاراقشاسىندا حابارلانىپ وتىر. «اۆتونوم جۇيەسى بارلىعىنىڭ شتاتتىق رەجيمدە جۇمىس ىستەپ تۇرعانىن قۋانا حابارلايدى»، - دەپ حابارلادى زوند.

تاياۋدا NASA شاعىن عالامشاردىڭ جانە ونىڭ سەرىگى حاروننىڭ تۇڭعىش ساپالى سۋرەتتەرىن جاريالاعان ەدى. ونى New Horizons اپپاراتى ءتۇسىردى. تاياۋدا اگەنتتىك پلۋتوننىڭ ناقتىلانعان سۋرەتتەرىن جاريالاۋعا ۋادە بەرىپ وتىر.

شاعىن عالامشار جەردەن 6 ميلليارد شاقىرىم قاشىقتىقتا تۇر.

New Horizons ميسسياسى تاريحي ماڭىزعا يە وقيعا اتالىپ وتىر، سەبەبى ادامزات گالاكتيكانىڭ تۇكپىرىندەگى عالامشارعا تۇڭعىش رەت جەتتى. عالىمداردىڭ ايتۋىنشا، زوند كۇن جۇيەسىنىڭ پايدا بولۋ تاريحىن بىلۋگە مۇمكىندىك بەرەدى.

New Horizons بەرگەن اقپاراتتىڭ ارقاسىندا، عالىمدار پلۋتوننىڭ ديامەترىنىڭ بۇعان دەيىن سانالىپ كەلگەن ولشەمىنەن 80 شاقىرىمعا ۇلكەنىرەك ەكەنىن جانە عالامشاردىڭ بەتىنىڭ قىزىل-قوڭىر ەكەنىن انىقتادى. عارىش دەنەسىنىڭ سولتۇستىك ءپوليۋسى ازوت پەن مەتان مۇزدى پوليار قالپاعىمەن جابىلعان. پلۋتوننىڭ ءىشى دە مۇزدى.

NASA عارىش اگەنتتىگىنىڭ 2006-جىلى ۇشىرىلعان New Horizons زوندى پلۋتوندى جانە ونىڭ تابيعي سەرىگى حاروندى زەرتتەۋگە ارنالعان. بۇعان دەيىن پلۋتوننىڭ سۋرەتتەرىن Hubble عارىش تەلەسكوپىنان الىنىپ كەلگەن، الايدا بۇل سۋرەتتەر عالامشاردىڭ قانداي ەكەنىن كورسەتە المايتىن.

tengrinews.kz