عالىمدار كۇيزەلىس كەزىندە تاتتىگە قۇمارتۋدىڭ سەبەبىن انىقتادى
بۇل تۋرالى باياندامانى ولار كورنەلل ۋنيۆەرسيتەتىنىڭ Appetite باسىلىمىنا جاريالاعان. مامانداردىڭ ايتۋىنشا، ادام تەرىس ەموتسيالاردى باستان وتكەرگەن كەزدە قىشقىل تاماق جەپ تۇرعان بولسا، سول كوڭىل كۇي اۋانىنىڭ كەسىرىنەن تاماق ودان دا قىشقىل سياقتى بولىپ كورىنەدى.
سول سەبەپتى ادام بۇل كەزدە ءتاتتى تاماق جەيدى. ال وڭتايلى ەموتسيالار پايدا بولىپ، كوڭىل كۇي جارقىن بولعاندا جەگەن ءتاتتى تاماق ودان بەتەر تىم ءتاتتى بولىپ كورىنەدى ەكەن.
بۇل زەرتتەۋ ناتيجەسى 550 حوككەي جانكۇيەرىنىڭ اراسىندا وتكىزىلگەن ساۋالنامادان سوڭ بەلگىلى بولدى. وعان سايكەس، جانكۇيەرلەر سۇيىكتى كوماندالارى جەڭىلىپ جاتقان كەزدە ءتاتتى جۇگەرىنى تۇك قالدىرماي تاۋىسىپ تاستاعان. ولار جەڭىلىستىڭ اشى ءدامىن نەعۇرلىم تاتقان سايىن قول استىنداعى تاتتىلەردىڭ ءبارىن جەي بەرگەن.
عالىمداردىڭ ايتۋىنشا، جانكۇيەرلەردىڭ سول ساتتە كوڭىل كۇيلەرى جابىرقاۋى سالدارىنان تاماقتىڭ ءدامىن سەزىنۋى تىم تومەندەگەن. ەندى زەرتتەۋشىلەر كۇيزەلىستى تاماق جەۋمەن «كەتىرۋگە» تىرىسۋدىڭ سەمىزدىككە اكەپ سوقتىراتىنىن العا تارتۋدا، دەپ جازادى informing.ru عا سىلتەمە جاساپ 24.kz.
