ميگرانتتار مەن بوسقىنداردىڭ قۇقىقتارى مەن مۇددەلەرىن ەسكەرەتىن جۇيە قۇرۋ قاجەت - ءبىرجان نۇرىمبەتوۆ

استانا. قازاقپارات - استانادا ق ر رەسپۋبليكاسى دەنساۋلىق ساقتاۋ جانە الەۋمەتتىك دامۋ ۆيتسە- ءمينيسترى ءبىرجان نۇرىمبەتوۆ بوسقىنداردى قورعاۋ جانە حالىقارالىق كوشى- قون جونىندەگى الماتى پروتسەسىنە قاتىسۋشى مەملەكەتتەردىڭ ەلشىلەرىمەن كەزدەستى.

كەزدەسۋ بارىسىندا جۇمىستىڭ نەگىزگى ناتيجەلەرى جانە قورىتىندىلارى، سونداي- اق الداعى جىلى الماتى پروتسەسىنە ءتوراعالىق ەتۋ ماسەلەلەرى تالقىلاندى.

بۇل تۋرالى ق ر د س ءا د م باسپا ءسوز قىزمەتى حابارلادى.

ءىس- شاراعا ب ۇ ۇ- نىڭ ورتا ازيا بويىنشا بوسقىنداردىڭ ىستەرى جونىندەگى جوعارعى كوميسسار باسقارماسىنىڭ ايماقتىق وكىلى بەرنارد دويل، ورتا ازيا بويىنشا كوشى- قون جونىندەگى حالىقارالىق ۇيىمنىڭ ايماقتىق ۇيلەستىرۋشىسى دەيان كەسەروۆيچ، مەملەكەتتىك ورگانداردىڭ وكىلدەرى قاتىستى.

ءوز سوزىندە ءبىرجان نۇرىمبەتوۆ ميگرانتتار مەن بوسقىنداردىڭ قۇقىقتارى مەن مۇددەلەرىن ەسكەرەتىن، ەلدەردىڭ جىل سايىن اۋقىمى مەن كۇردەلىلىگى ءوسىپ جاتقان توتەنشە جاعدايلارعا جانە جاپپاي ورىن اۋىستىرۋعا دايىندىعىن ارتتىرۋعا مۇمكىندىك بەرەتىن جۇيە قۇرۋ قاجەتتەلىگىن ايتىپ ءوتتى.

ۆيتسە- مينيستر، «نەگىزگى ماقسات ورتا ازيا ەلدەرىنىڭ، جالپى ايماقتا جانە ودان تىس جەرلەردىڭ باعىتىندا ەڭبەك ميگراتسياسىنا قاتىستى كۇردەلى ماسەلەلەردى شەشۋدە مەملەكەتتەرگە كومەك كورسەتۋ»، - دەپ اتاپ ءوتتى.

كەزدەسۋ بارىسىندا ب ۇ ۇ- نىڭ بوسقىنداردىڭ ىستەرى جونىندەگى جوعارعى كوميسسار باسقارماسىنىڭ جانە كوشى- قون جونىندەگى حالىقارالىق ۇيىمنىڭ جاڭا ينيتسياتيۆالارى، سونداي-اق الماتى پروتسەسى شەڭبەرىندە ارىقاراي دامىتۋ ماسەلەلەرى تالقىلاندى. اتاپ ايتقاندا، الماتى پروتسەسى جوعارى لاۋازىمدى تۇلعالارىنىڭ كەزەكتى كەزدەسۋىن اعىمداعى جىلى قىركۇيەكتە قازاقستاندا وتكىزۋ جوسپارلانۋدا.

كەزدەسۋدىڭ ماقساتى مەن تاقىرىبى ورتالىق ازيادا، جالپى ايماقتا ەڭبەك ميگراتسياسى سالاسىنداعى كۇردەلى ماسەلەلەردىڭ شەشىمىن تابۋدا قاتىسۋشى ەلدەردىڭ الەۋەتىن نىعايتۋ بولماق.

قورىتىندىسىندا كەزدەسۋگە قاتىسۋشىلار ب ۇ ۇ- نىڭ بوسقىنداردىڭ ىستەرى جونىندەگى جوعارعى كوميسسار باسقارماسىنىڭ جانە كوشى- قون جونىندەگى حالىقارالىق ۇيىمنىڭ 2016 -جىلى الماتى پروتسەسىندە قازاقستان رەسپۋبليكاسىنىڭ ءتوراعالىعىن ۇزارتۋ جونىندەگى ۇسىنىستارىن قولدادى.

الماتى پروتسەسى - 2011 -جىلى قازاقستاننىڭ باستاماسىمەن قۇرىلعان تۇراقتى ديالوگتىق الاڭ ەكەنىن ەستەرىڭىزگە سالامىز.

الماتى پروتسەسىنىڭ ماقساتى - بوسقىنداردىڭ جانە حالىقارالىق ميگراتسيانىڭ وزەكتى ماسەلەلەرىن ايماقتىق فورماتتا بىرلەسىپ شەشۋ. قازاقستان الماتى پروتسەسىنىڭ ءبىرىنشى ءتوراعاسى بولىپ سايلانعان.