وتاندىق «بالاپان» تەلەارناسى بايقوڭىر قالاسىندا حابار تاراتا باستادى

استانا. قازاقپارات - وتاندىق العاشقى «بالاپان» بالالار تەلەارناسى ءوزىنىڭ حابار تاراتۋ اياسىن كەڭەيتۋدە.

6 -شىلدەدەن باستاپ «بالاپان» ارناسى بايقوڭىر قالاسىندا حابار تاراتا باستادى.

مۇندا حالىقتىڭ قامتىلۋى 70 مىڭ ادامدى قۇرايدى. حابار تاراتۋ «بايقوڭىر بايلانىس اقپارات» مەملەكەتتىك ۋنيتارلىق كاسىپورىننىڭ جەر بەتىندەگى انالوگتىك جەلىسى ارقىلى ىسكە اسىرىلادى.

«بالاپان» تەلەارناسىنىڭ باعدارلامالارى 29 تەلەۆيزيالىق ارنانىڭ حابارتاراتقىشىندا ساعات 7.30 دان 21.30 عا دەيىن كورسەتىلەدى.

ەستەرىڭىزگە سالا كەتەيىك، 27 -قىركۇيەك كۇنى ءبىرىنشى وتاندىق بالالار ارناسى ءوزىنىڭ 5 جىلدىعىن اتاپ وتەدى. تەلەارنانى قۇرۋ يدەياسى ق ر پرەزيدەنتى نۇرسۇلتان ءابىش ۇلى نازاربايەۆتىڭ باستاماسى بولاتىن. حابار تاراتۋ قازاق تىلىندە جۇرگىزىلەدى. تەلەارنا «قازاقستان» رەسپۋبليكالىق تەلەراديوكورپوراتسياسىنىڭ قۇرامىنا كىرەدى.

ارنانىڭ تۋعان كۇنىنە وراي كورەرمەندەر اراسىندا بايقاۋ جاريالاندى. بايقاۋ شارتتارى بويىنشا قازاقستاندىق اتا- انالار 25 -تامىزعا دەيىن وزدەرى قۇراستىرعان ەرتەگىلەرىن جولداۋلارى كەرەك. ەڭ ۇزدىك ەرتەگى جەلىسى بويىنشا تەليەۆيزيالىق قويىلىم ءتۇسىرىلىپ، كىتاپ شىعارىلادى.

ايتا كەتەيىك، «بالاپان» كورەرمەندەرگە «وتاۋ تۆ» ۇلتتىق سپۋتنيكتىك تەلەۆيزيا جەلىسى، 78 كابەلدىك وپەراتورلار مەن 2 ەفيرلىك حابار تاراتۋشىلار ارقىلى جەتكىزىلەدى.