ق. جاقىپوۆ ۇكىمەتتىڭ زاڭ ازىرلەۋدەگى التى قاتەلىگىن اتادى
«وزدەرىڭىز بىلەسىزدەر، كەز كەلگەن جۇمىستىڭ ناتيجەسىندە ايتەۋىر ءبىر كەمشىلىك بولادى. سوندىقتان، ءبىز پارلامەنت جۇمىسىنىڭ جەتىستىكتەرىن عانا ەمەس، قاتەلىكتەردى دە ەسكەرىپ، ولارعا وبەكتيۆتى تۇردە باعا بەرۋىمىز كەرەك. ۇكىمەت ەنگىزەتىن زاڭ جوبالارىنىڭ ساپاسىن ارتتىرۋ قاجەت دەگەندى جىل سايىن ايتامىز. ۇكىمەت زاڭ شىعارۋ جۇمىسىن جەتىلدىرۋ جونىندە ءۇشىنشى سەسسيانىڭ سوڭىندا ءبىز ايتقان ۇسىنىستاردى تولىق ەسكەرگەن جوق، مۇنى مويىنداۋ كەرەك»، - دەگەن ق. جاقىپوۆ ۇكىمەتتىڭ زاڭ شىعارۋ باعىتىنداعى ناتيجەلى جۇمىستارىن جوققا شىعارمايتىنىن دا اتاپ ءوتتى.
«دەگەنمەن، ۇكىمەتتىڭ جۇمىسىنداعى جاعىمدى تۇستاردى دا، بۇل باعىتتاعى ادىلەت مينيسترلىگىنىڭ جاڭا باستامالارىن دا بىلەمىز. ولاردىڭ بارلىعى ورتاق جۇمىسىمىزعا پايداسىن تيگىزەدى. ءتورتىنشى سەسسيا بارىسىندا ۇكىمەتتەن ماجىلىسكە تۇسكەن زاڭ جوبالارىنىڭ 70 پايىزى تىركەۋگە دەيىن جۇمىس توبىندا پىسىقتالىپ وتىردى. ءبىراق، ءتىپتى، پرەزيدەنتتىڭ تاپسىرماسىن ورىنداۋعا قاتىستى زاڭ جوبالارىنىڭ ءوزى ۇكىمەت تاراپىنان ماجىلىسكە كەشىگىپ ەنگىزىلىپ وتىردى. مىسالى، قارجى مينيسترلىگىنىڭ موينىنداعى «مەملەكەتتىك ساتىپ الۋلار تۋرالى» زاڭ جوباسى پارلامەنت قاراۋىنا ءتيىستى ۋاقىتىنان كەشىگىپ جەتتى»، - دەدى ق. جاقىپوۆ.
ءماجىلىس ءتوراعاسى ساراپتاما قورىتىندىسىنا سۇيەنە وتىرىپ، پارلامەنتكە ەنگىزىلەتىن زاڭ جوبالارىنىڭ ساپاسىز بولۋىنا مينيسترلىكتەر ءوز سالاسىنداعى جاعدايدىڭ قانداي ەكەنىنە تەرەڭ، جۇيەلى ساراپتاما جاساماۋى بىردەن-ءبىر سەبەپ ەكەنىن ايتتى؛ زاڭ جوباسىن جوسپارلاپ، ونى دايىنداعان كەزدە قۇجاتتىڭ تيىمدىلىگىن دۇرىس بولجامايدى، ىقتيمال الەۋمەتتىك تاۋەكەلدەردى باعالاۋدا ارتتا قالىپ، قوعامدىق پىكىردى ەسەپكە الۋدا ەسە جىبەرىپ الادى.
«زاڭناما سالاسىنداعى ساراپتاما مەن بولجام جاساۋ جۇمىستارىنىڭ اقساۋىنان، زاڭ شىعارۋ پروتسەسىندە پايدا بولعان ماسەلەلەردى شەشۋدە مەملەكەتتىك- قۇقىقتىق تەتىكتەردىڭ جوقتىعىنان ۇكىمەتتىڭ زاڭ شىعارۋ جۇمىسىنا ءتان جانە ءبىر- بىرىمەن ءوزارا بايلانىستى مىنانداي كەشەندى ماسەلەلەردى كورىپ وتىرمىز. ءبىرىنشى پروبلەما، ۇكىمەتتىڭ بولجامدارى وتە ناشار. سەبەبى، كەيبىر زاڭدار ءتىپتى كۇشىنە ەنىپ ۇلگەرمەي جاتىر قايتا وزگەرتۋگە ۇشىراپ جاتادى. مىسالى، كۇشىنە ەنبەي جاتىپ- اق قىلمىستىق- پروتسەسۋالدىق كودەكس ەكى رەت، قىلمىستىق- اتقارۋشى كودەكس ءۇش رەت وزگەرتىلدى. ەكىنشىدەن، دەپۋتاتتاردى قىنجىلتاتىنى، زاڭ جوبالارىنىڭ تۇجىرىمدامالارى ساپاسىز دايىندالادى.
سەبەبى، تۇجىرىمدامالار اتالمىش زاڭ جوباسى رەتتەيتىن ماسەلەنى ءتىپتى قامتىماي كەتىپ جاتادى. ماجىلىسكە ۇكىمەت ەنگىزگەن ءاربىر ءۇشىنشى زاڭ جوباسىنىڭ مازمۇنى پارلامەنت قابىرعاسىندا ەلۋ پايىزعا دەيىن وزگەرىسكە ۇشىراپ، تۇزەتىلەدى.
ۇشىنشىدەن، زاڭ ازىرلەۋشى تاراپ سول زاڭدى جۇزەگە اسىرۋدىڭ ناقتى تەتىكتەرىن كورسەتە المايدى. تورتىنشىدەن، مەملەكەتتىك ورگانداردىڭ جۇمىسى ۇيلەسىمسىز. مەملەكەتتىك ورگاندار قانداي دا ءبىر زاڭ جوباسىنا ءبىر- ءبىرىن قايتالايتىن وزگەرىستەر ەنگىزەدى. بەسىنشىدەن، زاڭ جوباسى ءتىپتى وتە وزەكتى بولسا دا اۆتوماتتى تۇردە جۇمىس ىستەپ كەتپەيدى.
ال، بىزدە بولسا زاڭداردىڭ بارلىعى ۋاقىتىلى ءتيىستى زاڭعا ىلەسپە اكتىلەرمەن قامتىلماعان. سول ارقىلى زاڭنىڭ جۇمىس ىستەۋ كوەففيتسيەنتى ازايىپ قالادى. مينيسترلىكتەر مەن ۆەدومستۆولار دايىنداعان زاڭ جوبالارىندا ءبىر جاقتى عانا كوزقاراس بايقالىپ جاتادى.
جاسىراتىنى جوق، مەملەكەتتىك ورگان ازىرلەگەن زاڭ جوباسىنا جەكەلەگەن دەپۋتاتتار ارقىلى ەنگىزىلگەن تۇزەتىلەر وڭ باعاعا يە بولىپ جاتادى. دەپۋتاتتار تاراپىنان سىنعا ۇشىرايتىن تاعى ءبىر وزەكتى ماسەلە، زاڭ جوباسىنىڭ قورىتىندى شىعارۋ ۋاقىتى ۇنەمى كەشىكتىرىلەدى. ءتورتىنشى سەسسيا بارىسىندا ءماجىلىستىڭ تۇراقتى كوميتەتتەرىنىڭ ءتوراعالارى قول قويۋ كەرەك 48 زاڭ جوباسىنىڭ 33-ىندە قورىتىندى ۋاقىتىنان كەشىگىپ ازىرلەنگەن»، - دەپ تۇيىندەدى ق. جاقىپوۆ.
