ءۇندى سەريالدارىنىڭ ورىنىن وتاندىق تەلەحيكايالار باساتىن كۇن الىس ەمەس

استانا. قازاقپارات - بولاشاقتا قازاقستاندىق تەلەارنالار ءۇندى جانە كورەي تەلەحيكايالارىن كورسەتۋ قۇقىعىنان ايىرىلادى.

بۇل تۋرالى مادەنيەت جانە سپورت ۆيتسە- مينيسترى مارات ءازىلحانوۆ كوكشەتاۋعا ساپارى بارىسىندا ءمالىم ەتتى. ول قازاقستاندىق تەلەارنالاردا وتاندىق ونىمدەر كورسەتىلۋگە ءتيىس ەكەنىن اتاپ ءوتتى.

«قازىر ءوزىمىزدىڭ تەلەحيكايالارىمىز بەن تەلەباعدارلامالارىمىزدى ءتۇسىرىپ، ارنالاردان مەملەكەتىمىزدىڭ مادەنيەتىن كورسەتۋ باعىتىندا جۇمىس جاساۋ كەرەك. كوپشىلىگى نەگە ءۇندى جانە كورەي حيكايالارىن كورسەتەدى دەپ شاعىمدانادى. قازىر اتالمىش ساۋالعا بايلانىستى اۋقىمدى جۇمىس جۇرگىزىلىپ جاتىر. جاقىندا جاڭا جوبالاردى ىسكە اسىرۋدى باستايمىز»، - دەدى ول.

سونىمەن قاتار ءازىلحانوۆ قازاق ءتىلىنىڭ دامۋى تۋرالى ماسەلەنى دە كوتەردى.

«مەملەكەتىمىزدە قازاق ءتىلىنىڭ دامۋى ءۇشىن ودان ءارى جۇمىس ىستەۋ كەرەك. ب ۇ ۇ كىرگەن ەلدەردىڭ %60 دا ءوز تىلدەرى جوق. «ۆيكيپەديادا» ءبىز جاريالىمدار (قازاق تىلىندەگى جاريالانعان اقپارات) بويىنشا 32 ورىندامىز، ياعني كوپ نارسەگە قول جەتكىزدىك، جۇمىستى ءارى قاراي جالعاستىرۋ قاجەت»، -  دەپ اتاپ ءوتتى ۆيتسە-مينيستر.

Nur.kz