بىرىككەن ۇلتتار ۇيىمى بۇگىن العاش رەت جاڭا كۇندى اتاپ وتپەك

استانا. قازاقپارات - ب ۇ ۇ- دا كۇنتىزبەدەگى جاڭا داتا - 15- شىلدە - بۇكىل الەمدىك جاستار ماشىعىن دامىتۋ كۇنى العاش رەت اتالىپ وتەدى، دەپ حابارلايدى BNews.kz.

ب ۇ ۇ مالىمەتىنشە، 2013-جىلى الەمدە جۇمىسسىز جاستاردىڭ سانى 74500000 ادامعا جەتتى، ولاردىڭ باسىم بولىگى دامۋشى ەلدەردە تۇرادى.

حالىقارالىق ەڭبەك ۇيىمىنىڭ اقپاراتىنا سۇيەنسەك، جاستار ەرەسەكتەرگە قاراعاندا ءۇش ەسە ءجيى جۇمىسسىز قالاتىن كورىنەدى. الەمدە جاستاردىڭ ءاربىر بەسىنشىسى نەمەسە 125 ميلليون ادام ەڭبەك ەتكەنىمەن، كەدەيلىك جاعدايىندا ءومىر سۇرەدى. جاستار اراسىنداعى جۇمىسسىزدىق ماسەلەسى ونەركاسىپتىك دامىعان ەلدەر ءۇشىن دە، دامۋشى مەملەكەتتەر ءۇشىن دە وتە وزەكتى پروبلەما بولىپ وتىر.