قازاقستاننان مەككەگە تىكەلەي رەيس اشىلادى

باس قوسۋعا قاتىسقان اۋە كومپانيالارى وكىلدەرى بۇل ۇسىنىستى ورىنداۋعا مۇمكىندىك مول ەكەنىن ءمالىم ەتتى. بۇگىندە ەلىمىزدىڭ استانا، الماتى، شىمكەنت قالالارىنان مەككەگە تاياۋ ورنالاسقان جيددا شاھارىنا دەيىن تىكەلەي رەيس اشۋ مۇمكىندىگى قاراستىرىلۋدا.

ايتا كەتەيىك، بۇعان دەيىن قاجىلىق پارىزىن وتەۋشى جەرلەستەرىمىز جيددا قالاسىنا تۇركيا، ءابۋ دابي ارقىلى جەتەتىن. سونىمەن قاتار اۋەجايدا بىرنەشە ساعات بويى كەلەسى رەيستى كۇتەتىن.

«بۇل باستاما قاجىلارىمىزعا قىزمەت كورسەتۋ ساپاسىن ارتتىرۋ جۇمىستارىنا ىقپال ەتەدى. بىرىنشىدەن، ۋاقىت ۇنەمدەلەدى، ەكىنشىدەن، قاجىلار ءۇشىن بۇل باستاما قولايلى جاعداي تۋعىزادى»، - دەدى ق م د ب قاجىلىق ميسسياسىنىڭ ءتوراعاسى، نايب ءمۇفتي سەرىكباي قاجى وراز.

ايتا كەتەيىك، بيىل قازاقستانعا ساۋد ارابيا كورولدىگىنىڭ قاجىلىق مينيسترلىگى 5000 ورىن (كۆوتا) ءبولدى.