كوشى-قون زاڭناماسىن بۇزعان نيگەريا ازاماتى جامبىل وبلىسىنان قۋىلادى

استانا. قازاقپارات - نيگەريا فەدەراتيۆتىك رەسپۋبليكاسىنىڭ ازاماتى ادەوسۋن گبەنگا دجونسون جامبىل وبلىسىندا اكىمشىلىك جاۋاپكەرشىلىككە تارتىلدى.

سونىمەن، نيگەريا ازاماتى اكىمشىلىك قۇقىق بۇزۋشىلىق تۋرالى كودەكستىڭ 517-بابى 7-بولىگى (جىل ىشىندە شەتەلدىك نەمەسە ازاماتتىعى جوق تۇلعا ق ر حالىقتىڭ كوشى-قونى سالاسىنداعى زاڭناماسىن قايتا بۇزۋى) بويىنشا جاۋاپكەرشىلىككە تارتىلدى. بۇل تۋرالى جامبىل وبلىستىق سوتىنىڭ باسپا ءسوز قىزمەتى حابارلادى.

قۇقىق قورعاۋ ورگاندارىنىڭ قىزمەتكەرلەرى ءتول قۇجاتتى تەكسەرۋ بارىسىندا ادەوسۋن گبەنگا دجونسون 2015-جىلعى 1- ماۋسىمنان باستاپ جۇمىس ۆيزاسى بويىنشا 2015-جىلعى 23- قاراشاعا دەيىنگى مەرزىمدە الماتى ق. كوشى-قون پوليتسياسى باسقارماسىندا تىركەلگەنىن انىقتادى. الايدا كەلگەن بەتتە جامبىل وبلىسى ءى ءى ب كوشى-قون پوليتسياسىندا تىركەۋدەن وتپەگەن.

سوت قاۋلىسىمەن وعان ەلدەن شىعارىلا وتىرىپ، ءبىر تاۋلىككە تۇتقىنداۋ تۇرىندە اكىمشىلىك جازا تاعايىندالدى.

سوت قاۋلىسى زاڭدى كۇشىنە ەنگەن جوق.