الەمدەگى ەڭ كورىكتى ارالداردىڭ ءتىزىمى انىقتالدى - فوتو
بۇل جايىندا Travel+Leisure جۋرنالى جۇرگىزگەن ساۋالناما بارىسىندا بەلگىلى بولدى. اتالعان باسىلىم الەمدەگى ەڭ كورىكتى 10 ارالدىڭ ءتىزىمىن جاساپ شىعاردى.
العاشقى ۇشتىكتە گالاپاگوس ارالدارىنان كەيىن يندونەزيالىق بالي جانە مالديۆ ارالدارى بار. ولاردان كەيىن تاسمانيا جانە گرەكيانىڭ سانتوريني ارالدارى ورنالاسقان.
التىنشى ورىن مۋرەا ارالىنا (فرانسۋز پولينەزياسى)، جەتىنشى جانە سەگىزىنشى ورىندار گاۆاي ارحيپەلاگىنا كىرەتىن ماۋي مەن كاۋاي ارالدارىنا، توعىزىنشى ورىن ۇلكەن كەدەرگىلى ريفكە (اۆستراليا) جانە ونىنشى ورىن مالتا رەسپۋبليكاسىنا تيەسىلى.
1. گالاپاگوس ارالدارى
2. بالي
3. مالديۆ ارالدارى
4. تاسمان ارالدارى
5. سانتوريني ارالى
6. مۋرەا (فرانسۋز پولينەزياسى)
7. ماۋي ارالى
8. كاۋاي ارالى
9. ۇلكەن بوگەتتى ريف (اۆستراليا)
10. مالتا رەسپۋبليكاسى
The Daily Mail باسىلىمىنىڭ حابارلاۋىنشا، گالاپاگوس ارالدارى تۋريستەردى ءوزىنىڭ اسەم تابيعاتىمەن قىزىقتىرادى. مۇندا فاۋنا مەن فلورا كەرەمەت ۇيلەسىمدىلىك تاپقان. ساياحاتشىلاردىڭ كوپشىلىگى ارالعا الىپ تاسباقالاردى كورۋگە بولا كەلەدى.
ال جاعالاۋداعى تولقىندار دايۆەرلەردىڭ سۇيىكتى دەمالىس ايماعى. سونىمەن قاتار عالىم چارلز دارۆين ءوزىنىڭ ەۆوليۋتسيالىق تەورياسىن جازۋ ءۇشىن وسى گالاپاگوس ارالدارىندا زەرتتەۋ جۇمىستارىن جۇرگىزگەن.
گالاپاگوس ارالدارى ەكۆادورعا تيەسىلى. ونىڭ حالقى 24 مىڭ ادامنان اسادى.
BAQ. KZ
