قىتايدا سوعىس كەزىندە قازا تاپقان قازاق جاۋىنگەرىنىڭ سۇيەگى تابىلدى
قولجەتىمدى مۇراعات قۇجاتتارى ارقىلى جاسالعان تالداۋ جۇمىستارى تابىلعان ءمايىت قالدىقتارى 190- اتقىشتار ديۆيزياسى 112- اتقىشتار پولكىنىڭ 1945-جىلدىڭ 15- تامىزىندا قايتىس بولعان اسكەرلەرىنە تيەسىلى ەكەنىن كورسەتتى:
- قىزىل ارميا جاۋىنگەرى سماعۇل مايدار (1905-جىلى دۇنيەگە كەلگەن) دالدەۋشى، پاۆلودار وبلىسى كۋيبىشيەۆ اۋدانىنىڭ نوۆو-ترويتسك اۋىلىندا (قازىرگى ۋاقىتتا قازاقستان رەسپۋبليكاسى پاۆلودار وبلىسىنىڭ اقتوعاي اۋدانىندا) دۇنيەگە كەلگەن. 1943-جىلى پاۆلودار اۋدان اسكەري كوميسسارياتىمەن قىزىل ارميا قاتارىنا شاقىرىلعان، جۇبايى - سماعۇلوۆا ءجاميليا، كۋيبىشيەۆ اۋدانىنىڭ نوۆو-ترويتسك اۋىلىندا تۇرعان.
- ەفرەيتور سولومەنكو گريگوريي ارسەنتيەۆيچ؛
- سەرجانت مەلەحين تيموفەي نيكيتوۆيچ؛
- قىزىل ارميا جاۋىنگەرى پەترەنكو ميحايل نازاروۆيچ.
ق ر س ءى م باسپا ءسوز قىزمەتىنىڭ مالىمەتىنشە، 2015-جىلى 2- قىركۇيەكتە مۋدانتسزيان قالاسىنداعى (حيلۇڭجياڭ پروۆينتسياسى) مەموريالدىق ساياباقتا ءمايىت قالدىقتارىن سالتاناتتى تۇردە قايتا جەرلەۋ جوسپارلانىپ وتىر.
قازىرگى كەزدە قازاقستان رەسپۋبليكاسىنىڭ سىرتقى ىستەر مينيسترلىگى قورعانىس مينيسترلىگىمەن بىرلەسىپ، مارقۇم سماعۇل مايداردىڭ تۋىستارىن تابۋ جۇمىستارىن جۇرگىزۋدە.
BNews.kz
