تايلاندتا جەمقورلار ءولىم جازاسىنا كەسىلەدى

استانا. قازاقپارات - تايلاندتا اسا ءىرى مولشەردە سىبايلاس جەمقورلىقپەن اينالىسقاندارعا ءولىم جازاسى تاعايىندالادى.

جاڭا وزگەرىسكە سايكەس، مۇنداي ۇكىم ايىپتالۋشىنىڭ ازاماتتىعىنا قاراماستان شىعارىلا بەرەدى. وسى اپتادان باستاپ كۇشىنە ەنگەن زاڭ جەڭ ۇشىنان جالعاسقان جەمقورلىققا قاتىسى بار مەملەكەتتىك جانە ساياسي لاۋازىمدى قىزمەتكەرلەردى قۋدالاۋعا قاۋقارلى.

ءتىپتى شەتەلدىك مەملەكەتتىك قىزمەتكەرلەر مەن حالىقارالىق ۇيىم وكىلدەرىنىڭ دە اۋىر قىلمىسقا قاتىسى بارى انىقتالسا، ولار دا ءتيىستى جازاسىن تارتادى دەپ مالىمدەپ وتىر جەرگىلىكتى بيلىك. ايتا كەتەيىك، تاياۋدا تايلاندتاعى ءبىرقاتار جوعارى لاۋازىمدى پوليتسەيلەردىڭ ادام ساۋداسىمەن اينالىسقانى انىقتالعان بولاتىن.

www.24.kz