11:12, 14 - شىلدە 2015 | GMT +6
تەك ۆەلوسيپەد ۇرلاۋمەن اينالىسقان الماتىلىقتى ۇستادى - فوتو
الماتى. قازاقپارات - الماتى پوليتسياسى ۆەلوسيپەد ۇرلاپ، كۇن كورىپ جۇرگەن 24 جاسار الماتىلىقتى ۇستادى.
ەر ادام جۇرتتىڭ قاراۋسىز قالدىرعان مۇلكىن ارزان باعاعا ساتىپ، ازىق-تۇلىك ساتىپ الىپ جۇرگەن.
«كۇدىكتىنىڭ بوستاندىق اۋدانىندا بولعان 4 قىلمىسقا قاتىسى بار بولىپ شىقتى. سوڭعى رەت ونىڭ ارەكەتى «وربيتا» شاعىناۋدانىنداعى اۋلالاردىڭ بىرىندە ورنالاسقان بەينەكامەرالاردىڭ بىرىنە ءتۇسىپ قالعان. جەدەل ىزدەستىرۋ شارالارىنىڭ ارقاسىندا ونىڭ كىم ەكەندىگى انىقتالدى. ءقازىر ول قىلمىسىن مويىندادى»، - دەدى بوستاندىق اۋدانى ءى ءى ب باسشىسى بەرىك ابىلبەكوۆ.
پوليتسيانىڭ حابارلاۋىنشا، ول بۇعان دەيىن دە قىلمىستىق جاۋاپكەرشىلىككە تارتىلىپ، جازاسىن تۇرمەدە وتەپ شىققان.
قازىر ونىڭ وزگە دە قىلمىستارعا قاتىستىلىعى تەكسەرىلىپ جاتىر.
اۆتور: گۇلميرا عوسمانالي
