ءدىلناز احماديەۆا ب ا ق- تا جاريالانعان «قازاق ۇلتىنا دەگەن وشپەندىلىگى» جوق ەكەنىن ايتتى
رەسەيلىك «سوۆەتسكي سپورت» باسىلىمىنا پورتالىندا تانىمال قازاقستاندىق تەننيسشى زارينا دياس تۋرالى اۋقىمدى ماقالا جارىق كورگەن بولاتىن. ماقالادا، قازاقستاننىڭ ءبىرىنشى راكەتكاسى - زارينانىڭ مەملەكەتتىك تىلدە سويلەمەيتىندىگى سىنعا الىنعان ەدى. رەسەيلىك باسىلىم جاريالاعان العاشقى ماقالاعا قاتىستى تانىمال تەننيسشىنىڭ ءوزى ءۇن قاتىپتى.
وندا، زارينا رەسەيلىك باسىلىمعا سۇحبات بەرمەگەنىن ايتقان ەكەن. سونداي-اق، «سوۆەتسكي سپورتتاعى» ماتەريالدار جالعان ەكەنىن، ءوزىنىڭ قازاقستان تەننيس فەدەراتسياسىن سىناماعانىن جانە مەملەكەتتىك تىلگە دەگەن قۇرمەتسىز سوزدەر ايتپاعانىن ايتىپتى.
«مەن «سوۆەتسكي سپورت» باسىلىمىنا سۇحبات بەرگەن جوقپىن. ونداعى اقپاراتتار ويدان قۇرالعان جانە مەنىڭ اتىمنان جازىلعان»، - دەيدى زارينا دياس.
ەسكەرتە كەتەيىك، قازاقستاندىق تەننيسشى قىزدىڭ سۇحباتى «سوۆەتسكي سپورت» باسىلىمىنا 6 -شىلدە كۇنى جاريالانعان بولاتىن.
ال زارينا دياس - قازاقستاننىڭ ءبىرىنشى راكەتكاسى جانە WTA رەيتينگىسى بويىنشا 34 -ورىنعا تابان تىرەگەن.
ال ماقالادا اتى اتالعان تاعى ءبىر قازاقستاندىق ەسترادا جۇلدىزى - ءدىلناز احمەديەۆا «فەيسبۋك» الەۋمەتتىك جەلىسى ارقىلى بولعان وقيعاعا قاتىستى جاۋابىن بەرىپتى. ءدىلناز حانىمنىڭ ءوزى الەۋمەتتىك جەلىنى پايدالانبايتىندىقتان، جاۋابىن قۇربىسى، تانىمال پروديۋسەر - الۋا قوناروۆا جەتكىزدى.
«قۇرمەتتى دوستار! اتالمىش سۇحبات وسىدان 10 جىل بۇرىن ءبىر جۋرنالعا جاريالانعان بولاتىن. ال قازىر ول جۋرنال جابىلىپ قالعان. مەن بۇل جۋرنالدىڭ رەداكسياسىن ىزدەستىرگەن بولاتىنمىن، تاپپادىم. سەبەبى، ولار مەنىڭ اتىمنان جالعان اقپارات تاراتقان ەكەن. ياعني، ولاردىڭ اۋەلگى ماقساتتارى وسى بولعان. وسى ەلدە ءومىر سۇرە تۇرىپ، ءوسىپ-ءونىپ، وسى ەلدىڭ نانىن جەي تۇرا، قازاقستاننىڭ ەڭبەك سىڭىرگەن قايراتكەرى اتاعىن الا تۇرىپ، «بۇل ۇلتتى جەك كورەمىن» دەۋىم، ءتىپتى ۇيات بولار ەدى»، - دەيدى ءانشى.
سونداي- اق، احماديەۆا قازاق ۇلتىنا ەشقانداي وشپەندىلىگى جوق ەكەن، قازاقستاندى جاقسى كورەتىنىن جەتكىزگەن.
«مەن قازاقستاندا، قازاقتاردىڭ اراسىندا تۇرامىن جانە مەن قازاق ۇلتىنا دەگەن وشپەندىلىگىم جوق. بۇل اقىماقتىق بولار ەدى جانە ونداي سۇراقتى ماعان ەشكىم قويعان جوق. قويسا دا، مەنىڭ جاۋابىم مۇلدە باسقاشا بولار ەدى. مەن قازاقستاندى جاقسى كورەمىن! مەنىڭ ەڭ جاقىن قۇربىلارىم، دوستارىم - قازاقتار! سوندىقتان، مەنىڭ اتىمنان تارالعان جالعان اقپاراتقا سەنبەۋلەرىڭىزدى وتىنەمىن. بارلىعىڭىزعا تىنىشتىق پەن جاقسىلىق تىلەيمىن! قۇرمەتپەن، سىزدەردىڭ ءدىلناز!»، - دەپ جازدى ءدىلناز.
دەرەككوز: Nur.kz
