عالىمدار اۋستراليا جاعالاۋىنان «توزاق قاقپاسىن» تاپتى

استانا. قازاقپارات - عالىمدار اۋستراليا جاعالاۋىنان ەجەلگى ۇلكەن ءتورت جانارتاۋ تاپتى. جەرگىلىكتى تىلشىلەر ونى «توزاق قاقپاسى» دەپ اتادى، - دەپ حابارلايدى «ۆەستي. رۋ».

جانارتاۋدى Investigator زەرتتەۋ كەمەسى تاپتى. جانارتاۋلار سيدنەيدەن 250 شاقىرىم قاشىقتىقتا ورنالاسقان. ولاردىڭ جاسى 50 ميلليون جىل شاماسىندا.

جانارتاۋلاردىڭ كراتەرىنىڭ ديامەترى ءبىر جارىم شاقىرىم، جانارتاۋ تەڭىز دەڭگەيىنەن 700 مەتر بيىكتىككە دەيىن كوتەرىلەدى. 20 شاقىرىم بولاتىن جانارتاۋلار تىزبەگى 5 شاقىرىم تەرەڭدىكتە جاتىر.

ەڭ قىزىعى، عالىمدار جانارتاۋ ەمەس، تەڭىز جاندىكتەرىن ىزدەپتى. وڭتۇستىك جاڭا ۋەلس ۋنيۆەرسيتەتىنىڭ بيولوگى، پروفەسسور يەن ساتەرس كومانداسى «توزاق قاقپاسىن» كورگەن كەزدە قاتتى تاڭعالعانىن ايتتى.

«مەن تاڭعالعاننان اۋزىمدى اشىپ قالدىم. سوسىن بىردەن ايقايلادىم: «ولار مۇندا قايدان ءجۇر؟ ءبىز نەگە بۇل تۋرالى بۇرىن بىلمەگەنبىز؟». بۇل ءبىزدىڭ ءوز تەڭىزدەرىمىزدەن گورى ايدىڭ بەتىن كوبىرەك بىلەتىنىمىزدىڭ دالەلى»، - دەدى ساتەرس.

عالىمدار جانارتاۋدىڭ تەكتونيكالىق پليتالاردىڭ قوزعالىسىنان كەيىن پايدا بولعانىن ايتتى. جاقىن ماڭدا باسقا دا جانارتاۋلاردىڭ بولۋى عاجاپ ەمەس.