اقتوبە وبلىسىندا ارحەولوگتار سارمات تايپاسى اقسۇيەكتەرىنىڭ زيراتىن تاپتى
تايپالاستارى قايتىس بولعانداردى سول زامانعى سالت-داستۇرمەن جەرلەگەن، ونىڭ ىشىندە التىن بۇيىمدار دا بار. الايدا ەجەلگى زاماندا-اق بىرەۋلەر مۇنداعى زاتتارعا قول سۇققان كورىنەدى.
ودان قالعاندار ءبىزدىڭ كۇنىمىزگە دەيىن جەتكەن، دەپ جازدى «ەكسپرەسس ك» بۇگىنگى نومەرىندە.
«مۇندا سول كەزدىڭ الەۋمەتتىك ەليتاسىن جەرلەگەن، - دەدى ەكسپەديتسيا باسشىسى ارمان بيسەمبايەۆ. - ەكى ادامنىڭ ءمايىتى تابىلدى، جانىندا قۇرباندىققا شالىنعان جىلقىنىڭ قاڭقاسى بار. قابىر ءبىزدىڭ زامانىمىزعا دەيىنگى V عاسىرعا جانە ەرتە تەمىر عاسىرى داۋىرىنە تيەسىلى».
«بۇل جۇپتىق جەرلەۋ بولۋى مۇمكىن، - دەگەن بولجام ايتادى اقتوبە وبلىستىق تاريحي-ولكەتانۋ مۇراجايىنىڭ عىلىمي قىزمەتكەرى ۆيكتور امەلين. - اتريبۋتيكاعا قاراعاندا، اكيناك پەن وقتارى بار قورامساق ەر ادامنىڭ، ال كۇمىس قۇيىلعان قولا اينا ايەل ادامنىڭ زاتتارى ەكەنى كورىنىپ تۇر».
سونىمەن قاتار زەرتتەۋشىلەر تۇيە بەينەسىندەگى بۇيدانى، جەرلەۋ راسىمدەرىندە پايدالانىلعان التىن بالىق پەن ەكى اياعى بار حوش ءيىستى ءتۇتىن شىعاراتىن اسپاپتى انىقتادى.
