قىتاي بيزنەسمەندەرىنە قازاقستاننىڭ ينۆەستيتسيالىق كليماتى تانىستىرىلدى
«جالپىعا تانىلعان «Doing Business» دۇنيەجۇزىلىك بانكتىڭ 2014 - جىلعى قورىتىندىسى بويىنشا قازاقستان 189 ەلدىڭ ىشىندە 63- ورىندا. تاۋەلسىزدىك جىلدارى رەسپۋبليكاعا 200 ميلليارد دوللار تىكەلەي شەتەل ينۆەستيتسياسى تارتىلدى، وسى كورسەتكىش بويىنشا ت م د- دا كوش باستاۋدا»، - دەدى ديپلومات.
ج. قىراۋبايەۆ قازاقستاننىڭ ينۆەستيتسيالىق تارتىمدىلىعىنا اسەر ەتەتىن فاكتورلار رەتىندە ەلدىڭ قولايلى بيزنەس كليماتىن، باي تابيعي رەسۋرسىن، ءتيىمدى گەوگرافيالىق جاعدايىن اتادى. قازاقستان ەۋرازيا قۇرلىعىنىڭ ورتالىعىندا ورنالاسقانىنا توقتالدى. رەسپۋبليكا ارقىلى ازيا- تىنىق مۇحيت ءوڭىرىن تاياۋ، ورتا شىعىسپەن، ەۋروپامەن بىرىكتىرەتىن ترانس قۇرىلىقتىق مارشرۋت وتەتىنىن ايتىپ ءوتتى.
ول ق ر پرەزيدەنتىنىڭ «نۇرلى جول» جاڭا ساياساتى جانە قىتاي ءتوراعاسىنىڭ «جىبەك جولى ەكونوميكالىق بەلدەۋى» مەن «21- عاسىردىڭ تەڭىز جىبەك جولى» باستامالارىن ىسكە اسىرۋ اياسىندا قازاقستاندىق- قىتايلىق ەكىجاقتى ىنتىماقتاستىق بارلىق سپەكتر بويىنشا ودان ءارى داميتىنىنا سەنىم ءبىلدىردى.
ول «اقتاۋ تەڭىز پورتى»، «استانا - جاڭا قالا»، «اقپاراتتىق تەحنولوگيالار پاركى»، «وڭتۇستىك»، «ۇلتتىق يندۋستريالدىق مۇناي- حيميالىق تەحنوپاركى»، «بۋراباي» ارنايى ەكونوميكالىق ايماققا قاتىسۋشىلارىنا ارنالعان، ق ر ءۇ ي ي د م ب مەن «جول كارتاسى-2020» باعدارلاماسىن ىسكە اسىرۋ بارىسىنداعى جەڭىلدىكتەر مەن پرەفەرەنسيالار جايلى ايتتى.
شاراعا حاڭجوۋ قالاسىنىڭ پارتيا، اتقارۋشى ورگاندارىنىڭ وكىلدەرى، كونسۋل مەكەمەلەرى، شەتەل مەملەكەتتەرىنىڭ ساۋدا وكىلدىكتەرى، جىجياڭ پروۆينتسياسىنىڭ 70 ءىرى كورپورتسياسىنىڭ وكىلدەرى جانە ت. ب. قاتىستى.
قازاقستاننىڭ ينۆەستيتسيالىق كليماتى قاتىسۋشىلاردىڭ قىزىعۋشىلىعىن تۋدىردى.
