08:51, 14 - شىلدە 2015 | GMT +5
تار كويلەك كيگەنى ءۇشىن ەكى ايەل سوتتالىپ كەتە جازدادى
استانا. قازاقپارات - اگادير پورتتى قالاسىندا دەنە ءبىتىمىن ايقىنداپ تۇراتىن تار كويلەك كيىپ سەرۋەندەگەنى ءۇشىن «ادەپسىزدىك تانىتتى» دەپ ايىپپەن ۇستالعان ەكى ايەلدى ماروككو سوتى بوساتىپ جىبەردى، دەپ حابارلادى ولاردىڭ قورعاۋشىلارى.
ايتپەگەندە، سول قىلىعى ءۇشىن ولار ماروككا زاڭى بويىنشا ەكى جىلعا دەيىن باس بوستاندىعىنان ايىرىلۋى مۇمكىن ەدى. ايەلدەردى 16 -ماۋسىم كۇنى بازارداعى ساۋداگەرلەر ىسقىرىپ جۇرگىزبەي قويعان سوڭ ۇستاپ اكەتكەن.
الايدا، كوپتەگەن قۇقىق قورعاۋشىلار قىزداردى قورعاپ شىقتى، ال الەۋمەتتىك جەلىلەرىندە ولاردى قولدايتىن توپتار اشىلىپ، قورعاۋ ناۋقانى جۇرگىزىلدى. جۇزدەگەن ماروككالىق ادۆوكات قىزداردى سوتتا قورعاۋعا دايىن ەكەندەرىن جەتكىزدى.
ايەلدەردىڭ قۇقىعى ءۇشىن كۇرەسەتىندەر سەرۋەندەپ جۇرگەن ايەلدەردى قورلاعانداردى دا ەندى جاۋاپقا تارتۋ كەرەك دەپ وتىر.
