08:33, 14 - شىلدە 2015 | GMT +6
قاراعاندى وبلىسىنىڭ ارحەولوگتارى كونە قورىمنان ايەل ادامنىڭ التىن اشەكەيلەرىن تاپتى
استانا. قازاقپارات - قاراعاندى وبلىسىنىڭ ارحەولوگتارى بەسوبا اۋىلى ماڭىنداعى كونە قورىمنان ايەل ادامنىڭ التىن اشەكەيلەرىن تاپتى،
دەپ حابارلايدى kaztrk.kz.
ءتورت ۇلكەن جانە ءبىر كىشكەنە تاس قورىمداردان تۇراتىن بۇل اۋماق بۇرىننان «بەسوبا» دەپ اتالىپ كەتكەن. مۇندا شامامەن ءبىزدىڭ زامانىمىزعا دەيىن 3500 جىل بۇرىن ءومىر سۇرگەن قولا ءداۋىرىنىڭ ادامدارى جەرلەنگەن. ورتالىق مولانىڭ ىشىندەگى تاس تابىتتان بىرنەشە اشەكەي مەن سالپىنشاقتى التىن سىرعا شىققان.
«سوعان قاراعاندا بۇل جەرگە داۋلەتتى، بەدەلدى ادامدار جەرلەنگەن»، - دەپ بولجايدى عالىمدار. جالپى بيىل قاراعاندىلىق عالىمداردىڭ قاتىسۋىمەن وبلىستاعى 7 ءىرى تاريحي ورىندا ارحەولوگيالىق قازبا جۇمىستارى جۇرگىزىلۋدە.
