كۇندىز كولىكتىڭ جارىق شامىن قوسىپ ءجۇرۋ تالابى الىنىپ تاستالعان جوق - ءى ءى م

استانا. قازاقپارات - ەلدى مەكەندەردە كۇندىز كولىكتە جارىق شامىن قوسىپ ءجۇرۋ تالابىن الىپ تاستاۋ جونىندەگى ۇسىنىس قۇزىرلى ورگانداردا قارالعان ەمەس.

بۇل تۋرالى بۇگىن ق ر ءى ءى م- دە وتكەن باسپا ءسوز ءماسليحاتىندا اكىمشىلىك پوليتسيا كوميتەتى باسقارماسىنىڭ باستىعى قانات ءسادۋاقاسوۆ ءمالىم ەتتى.

«ىشكى ىستەر مينيسترلىگى ونداي ۇسىنىستاردى العان جوق. ق ر پارلامەنتى ماجىلىسىندە دە بۇل تالاپتى الىپ تاستاۋ جونىندە رەسمي تالقىلاۋلار بولعان ەمەس. مۇمكىن تالقىلاۋدان سىرت جەردە ايتىلعان دا بولار، دەگەنمەن ونى شىنداپ قاراستىرعان جوق. ونداي ماسەلە تۇرعان جوق، ونىڭ ۇستىنە ءى ءى م بۇل ۇستانىمدى قولدايدى»، - دەدى ۇ. ءسادۋاقاسوۆ.

ونىڭ ايتۋىنشا، جاڭا نورمالار جاقسى ناتيجەلەر اكەلۋدە.

«بىزدە قازىر اپات سانى تومەندەپ كەلەدى. وسىنىڭ ارقاسىندا ەلدى مەكەندەردە كوپتەگەن ادامنىڭ ءومىرى امان قالدى. بىزدە ەلدى مەكەندەردە جول-كولىك وقيعالارى 6,5 پايىزعا، ءولىم- ءجىتىم وقيعالارى 4,1 پايىزعا جانە جاراقات العاندار بويىنشا 7,2 پايىزعا ازايدى، بۇل وتە جاقسى كورسەتكىشتەر. كۇندىز جارىق شامىن جاعىپ كەلە جاتقان كولىكتەردى جاياۋ جۇرگىنشىلەر كوز قيىعىمەن كورە الادى، سونىڭ ارقاسىندا قاۋىپتىڭ بەتىن الۋىنا مۇمكىندىك بىرنەشە ەسە كوپ بولادى»، - دەپ اتاپ ءوتتى ول.

ق. ءسادۋاقاسوۆتىڭ سوزىنە قاراعاندا، مۇنداي نورمانى ەنگىزبەستەن بۇرىن، ءى ءى م الەمدىك تاجىريبەنى دە زەرتتەگەن بولاتىن.

«الەمدە جارىق شامىنا قاتىستى زەرتتەۋلەر جاسالدى. ا ق ش- تا جەتى مارتە، كانادادا ءتورت مارتە، نورۆەگيادا جانە دانيادا ەكى ەسە، فينليانديادا ءبىر رەت، يزرايلدە ءبىر رەت، شۆەتسيادا، ۆەنگريادا، اۆستريادا وتكىزىلدى. ولاردىڭ بارلىعى جول-كولىك وقيعالارىنىڭ كەمۋىنە وڭ اسەر ەتكەن. ارينە، ونىڭ قورشاعان ورتاعا اسەرى مەن ءبىرقاتار شىعىندار بار. جىلىنا 6-13 كانادالىق دوللار كەتەدى ەكەن. كەز كەلگەن قارسى جەلدىڭ اسەرىنەن شىعىن كوبىرەك بولادى. ءبىراق ادامنىڭ ءومىرى 10-13 كانادالىق دوللاردان الدەقايدا قىمبات»، - دەپ اتاپ ءوتتى ول.

اۆتور: جاسۇلان جولدىبايەۆ