ءشۇلبى سۋ قويماسىنا ىشىندە ءۇش جاسار بالا بولعان اۆتوموبيل باتىپ كەتتى

استانا. قازاقپارات - كىشكەنتاي بالالار سۋ قويماسىنىڭ جاعالاۋىندا تۇرعان كولىكتى جۇرگىزىپ، سۋعا كەتكەن. اتا- اناسى بالانىڭ بىرەۋىن عانا قۇتقارىپ ۇلگەردى، دەپ حابارلادى YK-avto.kz.

قۇتقارۋشىلاردىڭ اقپاراتىنشا، سۋ قويماسىنىڭ جاعالاۋىندا ەكى كىشكەنتاي بالاسى بار جانۇيا دەمالىپ جاتقان.

- بالالار كولىككە ءمىنىپ، بىلمەستەن تەجەگىشتى بوساتىپ جىبەرگەن ساتتە كولىك ورنىنان قوزعالىپ كەتكەن، - دەدى وبلىستىق سۋدا قۇتقارۋ قىزمەتىنىڭ اعا ادىسكەرى اناتولي روجكوۆ.

- اۆتوموبيل بالالارمەن بىرگە سۋعا سىرعي ءتۇسىپ كەتكەن. اتا- انالارى بالالارىنىڭ بىرەۋىن عانا قۇتقارىپ ۇلگەردى. ەكىنشىسى - ءۇش جاسار نارەستە سۋعا كەتتى.

 بۇگىن تاڭەرتەڭ سۇڭگۋىرلەر قازا تاپقان بالانىڭ ءمايىتىن تاۋىپ، سۋدان الىپ شىقتى.