13:22, 13 - شىلدە 2015 | GMT +6
س ق و مەملەكەتتىك مۇلىك جانە جەكەشەلەندىرۋ دەپارتامەنتىنىڭ باسشىسى قاماۋعا الىندى
استانا. قازاقپارات - س ق و بويىنشا ەكونوميكالىق جانە سىبايلاس جەمقورلىققا قارسى كۇرەس دەپارتامەنتى وبلىستىق مەملەكەتتىك مۇلىك جانە جەكەشەلەندىرۋ دەپارتامەنتىنىڭ لاۋازىمدى تۇلعالارىنا قاتىستى قىلمىستىق ءىستى تەرگەپ جاتىر.
مەملەكەتتىك مەكەمە باسشىسى ءبىر توپ تۇلعامەن كاسىپكەرلىك سۋبەكتىلەرىنەن ءىرى كولەمدە پارا الدى. بۇل ءۇشىن مەملەكەت مەنشىگىندەگى جىلجىمايتىن مۇلىكتى جالعا بەرگەن، تاركىلەنگەن مۇلىكتى زاڭسىز پايدالانعان، تەكسەرىس كەزىندە وڭ ناتيجە بولۋ ءۇشىن، زاڭسىز الىنعان مۇلىكتى زاڭداستىرۋ بويىنشا قىزمەتتەر كورسەتتى دەگەن كۇدىك كەلتىرىلىپ وتىر.
اعىمداعى جىلى 9- شىلدەدە جەدەل-ىزدەستىرۋ شارالارىن وتكىزۋ كەزىندە قىزمەتتىك كابينەتىندە اقشا الىپ جاتقان جەرىنەن س ق و مەملەكەتتىك مۇلىك جانە جەكەشەلەندىرۋ دەپارتامەنتىنىڭ باسشىسى مەن زاڭ ءبولىمىنىڭ باسشىسى ۇستالدى.
اعىمداعى جىلدىڭ 11- شىلدەسىندە سوت دەپارتامەنت باسشىسىن قاماۋعا الۋدى سانكتسيالادى. تەرگەۋ امالدارى جۇرگىزىلىپ جاتىر.
