ەكس- پرەمەر- مينيستر سەرىك احمەتوۆتىڭ ءىسى سوتقا بەرىلدى
قاراعاندى وبلىسى پروكۋراتۋراسىنىڭ باسپا ءسوز قىزمەتىنەن حابارلادى.
«قاراعاندى وبلىسىنىڭ پروكۋراتۋراسى ەكس- پرەمەر- مينيستر س. ن. احمەتوۆكە، وبلىس ەكس- اكىمى ب. ت. ابدىشيەۆكە، قاراعاندى قالاسىنىڭ ەكس- اكىمى م. ا. سماعۇلوۆقا جانە باسقا دا وبلىس اكىمشىلىگىنىڭ لاۋازىمدى قىزمەتكەرلەرى مەن كوممەرتسيالىق ۇيىمداردىڭ قىزمەتكەرلەرىنە (بارلىعى 21 ادام) قاتىستى قىزمەت بابىن اسىرا پايدالانۋعا، بيۋدجەت قاراجاتىن ۇرلاۋعا جانە كاسىپكەرلىك قىزمەتكە زاڭسىز ارالاسۋعا بايلانىستى ايىپتاۋ بويىنشا قوزعالعان قىلمىستىق ءىس ماتەريالدارىن زەردەلەۋدى اياقتادى.
سونداي- اق س. ن. احمەتوۆ اسا ءىرى كولەمدە پارا العاندىعى ءۇشىن دە ايىپتالىپ وتىر.
2015 - جىلعى 13 - شىلدەدە جوعارىدا اتالعان ادامدارعا قاتىستى قىلمىستىق ءىس ءمانى بويىنشا قارالۋى ءۇشىن قاراعاندى وبلىسىنىڭ قىلمىستىق ىستەر بويىنشا مامانداندىرىلعان اۋدان ارالىق سوتىنا جولداندى. ايىپتالۋشىلار سوتقا بەرىلدى»، - دەلىنگەن حابارلامادا.
