زايساندا ەسكى سنارياد تابىلدى

وسكەمەن. قازاقپارات - زايسان اۋدانىنىڭ تۇرعىنى اينابۇلاق سەلولىق وكرۋگىنىڭ اۋماعىندا تاپقان زاتى ەسكى مينومەت وعى (سناريادى) بولىپ شىقتى.

ارنايى تەكسەرىس جۇرگىزىلگەننەن كەيىن بەلگىسىز زات ەسكى مينومەتتىڭ وعى ەكەنى انىقتالدى. ونىڭ ديامەترى 7,5 سانتيمەتر، ۇزىندىعى 33 سانتيمەتر.

زايسان اۋداندىق توتەنشە جاعدايلار، پوليتسيا، اسكەري ءبولىم جانە اتقارۋشى بيلىك ماماندارى سناريادتى جارۋ ارقىلى جويۋ شەشىمىن قابىلدادى. بۇل شاراعا 10 مامان مەن 5 تەحنيكا جۇمىلدىرىلدى.

وتكەن جەكسەنبى كۇنى كۇندىز سنارياد جويىلدى، دەپ حابارلادى ش ق و ت ج د.