قازاق قىزى وڭتۇستىك كورەيادا وتەتىن اسپازدار بايقاۋىندا ەل نامىسىن قورعايدى - فوتو
ايتا كەتۋ كەرەك، حالىقارالىق بايقاۋدى وڭتۇستىك كورەيانىڭ سىرتقى ىستەر، اۋىل شارۋاشىلىعى جانە ازىق-تۇلىك مينيسترلىگى KBS تەلەكومپانياسىمەن بىرگە ۇيىمداستىرۋدا. ول الەم بويىنشا كورەيالىق اسحانانىڭ تانىمالدىلىعىن ارتتىرۋ ماقساتىندا جاسالىپ وتىر.
ىرىكتەۋ تۋرلارى الەمنىڭ 16 ەلىندە، سونىڭ ىشىندە قازاقستاندا دا وتكىزىلدى. جەڭىمپازدار كورەيا رەسپۋبليكاسىنا اتتانىپ، 10 مىڭ ا ق ش دوللارىن ساراپقا سالادى.
قازاقستانداعى بايقاۋدى ۇيىمداستىرۋعا كورەيا مادەنيەت ورتالىعى ۇيىمداستىردى. سەرىكتەس - «Korean House» مەيرامحاناسى.
بايقاۋعا كەز كەلگەن ادام قاتىسۋعا مۇمكىندىك الدى. ۇيىمداستىرۋشىلاردىڭ ايتۋىنشا، بايقاۋعا قاتىسۋعا كاسىبي اسپازدارمەن قاتار، كورەيالىق تاعامداردى ۇناتاتىن قاراپايىم ادامدار دا ءوتىنىش تاستاعان. ولاردىڭ ىشىنەن اقتىق سىنعا 9 ادام ىرىكتەلگەن بولاتىن. بۇگىن ولار كورەياعا بەرىلەر جولداماعا باق سىناستى. ەكىنشى ورىن جەڭىپ العان ەرلان قۋانىشبايعا ەلەكتروگريل بۇيىرسا، ءۇشىنشى ورىنعا يە بولعان ايزادا بورانبايەۆا استى ساقتاۋعا ارنالعان كونتەينەرلەر بەرىلدى.
بايقاۋدان بولەك شارا بارىسىندا ەلشى رەزيدەنتسياسىنىڭ باس اسپازشىسى شەبەرلىك ساعاتتارىن وتكىزدى.
