08:45, 13 - شىلدە 2015 | GMT +6
ماسكەۋدە ءۇش ادام كولىكتىڭ ىشىندە تىرىدەي ورتەنىپ كەتتى - كەسكىن
استانا. قازاقپارات - ماسكەۋدە ورىن العان جول اپاتى سالدارىنان ءۇش ادام قازا تاپتى، دەپ حابارلايدى LifeNews.
الدىن الا مالىمەتتەر بويىنشا، «БМВ» كولىگىنىڭ جۇرگىزۋشىسى رولگە يە بولا الماي قالىپ، جول جيەگىندەگى مەتالل قورشاۋعا سوعىلعان.
«جۇرگىزۋشى كولىكتى باسقارا الماي قالىپ، كولىك قورشاۋعا سوعىلىپ بىردەن جانا باستادى. الدىندا وتىرعان جولاۋشى مەن جۇرگىزۋشى كولىكتەن شىعىپ ۇلگەردى. ال ارتقى جاعىندا وتىرعان ءۇش جولاۋشى تىرىدەي ورتەنىپ كەتتى»، - دەيدى قايعىلى وقيعانىڭ كۋاگەرى.
ءۇش ادامنىڭ قازا تاپقانى تۋرالى اقپاراتتى قۇقىق قورعاۋ ورگاندارى راستادى. وقيعا ورنىنا كەلگەن قۇتقارۋشىلار ءورتتى ءسوندىردى. قازىرگى كەزدە وقيعا ورنىنان ءىزىن سۋىتقان جۇرگىزۋشى ىزدەستىرىلۋدە.
