08:26, 13 - شىلدە 2015 | GMT +6
اتىراۋ مۇناي وڭدەۋ زاۋىتىندا جۇمىسكەرلەر ۇيالى تەلەفون قولدانعانى ءۇشىن سىياقىدان قاعىلادى
اتىراۋ. قازاقپارات - اتىراۋداعى مۇناي وڭدەۋ زاۋىتىندا ۇيالى تەلەفون قولدانۋعا تىيىم سالىنعان. جۇمىسكەرلەر قالتا تەلەفوندارىن كىرەبەرىستە تاپسىرۋى ءتيىس. بەكىتىلگەن بۇيرىقتى بۇزعان 5 ادام سىياقىدان قاعىلىپ وتىر.
«زاۋىت جارىلۋ قاۋپى جوعارى كاسىپورىن بولىپ سانالادى. بۇل جەردە ۇيالى تەلەفون پايدالانۋ جۇمىسقا كەدەرگى كەلتىرۋى مۇمكىن. سوندىقتان ۇيالى تەلەفونداردى كىرەبەرىستە قالدىرۋ كەرەك.
وكىنىشكە وراي، قاۋىپسىزدىك تەحنيكاسى جانە ەڭبەكتى قورعاۋ ءبولىمىنىڭ قىزمەتكەرلەرى 5 ادامنىڭ بۇل ءتارتىپتى بۇزعانىن انىقتادى. ولار جازالاندى؛ اي قورىتىندىسى بويىنشا وسى ايدا سىياقى بەرىلمەيتىن بولدى. تاعى قايتالاعان جاعدايدا ولار جارتى جىلدىق سىياقىدان ايىرىلادى. ال ءۇشىنشى رەت قايتالاناتىن بولسا ەڭبەك شارتى بۇزىلادى»، - دەپ اقپاراتتاندىردى اتىراۋ م ءو ز باسپا ءسوز قىزمەتىنەن.
