بۇقتىرما سۋ ەلەكتر ستانساسى الەم بويىنشا ەڭ سەنىمدى دەپ باعالاندى
200 ادام قىزمەت ەتەتىن بۇقتىرما سۋ ەلەكتر ستانساسى كولەمى جاعىنان ەلىمىزدەگى ەڭ ۇلكەن سۋ قويما. ستانسيا بوگەتى سۋ قويماسىنا 50 تەكشە شاقىرىم سىيىمدىلىقتى سيدىرا الادى.
كاسىپورىن ەرەكشە دياگونالدى جانە ەكى سۋاستى بۇراندالى كامەرالى قوزعالتقىشتارىمەن ەرەكشەلەنەدى. تەحنيكانىڭ بۇل جاڭاشىلدىعى بولاشاقتا سۋ ەنەرگەتيكاسىنىڭ دامۋىنا، ءارى سۋ رەسۋرستارىن ۇنەمدەۋگە سەپتىگىن تيگىزبەك.
جوعارى جاعىنداعى 210 مەتر - ستانسيانىڭ ەنى 17، ال تومەنگى جاعى 80 گە جەتەدى. كۇش قىسىمنان تۋادى. سۋ تارتقىشقا تۇسكەن سۋ اعىپ بارىپ، جۇمىس دوڭگەلەگىن قوزعالىسقا كەلتىرەدى. ال روۋتەرلى سۋ اگرەگاتىنا قوسىلعان جۇمىس دوڭعالاعىنىڭ قوزعالىسى نەگىزىندە ارنايى ماشينا ىسكە قوسىلادى دا، سونىڭ اسەرىنەن ەلەكتر قۋاتى وندىرىلەدى.
كەشەننىڭ نەگىزگى ماقساتى - كەن مەن مەتالل وندىرەتىن قازمىرىش كومپانياسىن وزدەرى شىعاراتىن ساپالى ەلەكتر قۋاتىمەن قامتاماسىز ەتۋ. سوڭعى ون جىلدا جاڭارتۋدىڭ ارقاسىندا قۋات ءوندىرۋ 15 پايىزعا ارتقان.
بۇقتىرما سۋ ەلەكتر ستانساسىندا 9 قوزعالتقىش بار. ءبىر اگرەگاتتىڭ قۇنى ءبىر جارىم ميللون دوللار، ال سالماعى 250 تونناعا جەتەدى. ال بۇقتىرما سۋ قويماسىنىڭ توزىمدىلىگى وسىدان 55 جىل بۇرىن سالىنعان كەزدە قولدانىلعان بەتونعا بايلانىستى. سوندىقتان ساراپشىلار كاسىپورىننىڭ ءار جەرىنەن بەتون سىناماسىن الىپ، ونىڭ جىل سايىن بەرىك بولعانىن انىقتاپ وتىرادى.
«31-ارنا»
