ا ق ش- تا ۆاكۋۋمدى پويىزدىڭ سىناما جەلىسىنىڭ قۇرىلىسى باستالماق

استانا. قازاقپارات - جولاۋشىلار وتىرعان كاپسۋلالاردىڭ جىلدامدىعى ساعاتىنا 1200 شاقىرىمنان اسادى. ۆاكۋۋمدى جول قاۋىپسىز ءارى ەكولوگيالىق جاعىنان تازا بولۋى ءتيىس.

 ال ونى پايدالانۋعا كەتەتىن شىعىن كولەمىن دە بارىنشا ازايتۋ جوسپارلانعان. جولدىڭ العاشقى بولىگىنىڭ ۇزىندىعى نەبارى 8 شاقىرىمعا سوزىلادى. سول سەبەپتى ونىمەن قاتتى جىلدامدىقپەن جۇيىتكۋ مۇمكىن ەمەس.

سىناما جەلىنىڭ باستى ماقساتى   - بۇل جۇيەنىڭ قىزمەت ەتە الاتىنىن كورسەتۋ جانە ينۆەستورلار تارتۋ.

 ايتا كەتەيىك، ۆاكۋۋمدى پويىز   - جوعارى جىلدامدىقپەن جۇرەتىن كولىك ءتۇرى.

 ديرك البورن، قۇرىلىس كومپانياسىنىڭ اتقارۋشى ديرەكتورى:

 - قۇبىر ىشىمەن جۇيىتكىپ كەلە جاتقان كاپسۋلانى كوزىڭىزگە ەلەستەتىڭىز. وندا تومەنگى قىسىم پايدا بولادى. سول سەبەپتەن قۇبىردا كەدەرگى از بولادى دا، پويىز ەنەرگيانى از شىعىندايدى. اتالعان جۇيە تولىعىمەن كۇن باتارەيالارىندا قىزمەت ەتەتىن بولادى.
 
www.24.kz