باس ميىنىڭ قاتەرلى ىسىگىن ەمدەۋدىڭ تىڭ ءادىسى تابىلدى

استانا. قازاقپارات - امەريكالىق عالىمدار قاتەرلى ىسىكتىڭ ەڭ ءقاۋىپتى ءتۇرىنىڭ ءبىرى گليوبلاستومانى ەمدەۋدىڭ تىڭ ءادىسىن ويلاپ تاپتى.

اتالعان دەرت زياندى جاسۋشالاردىڭ شاپشاڭ كوبەيۋ كەسىرىنەن وتە تەز داميدى ەكەن. ول ادەتتە حيميالىق تەراپيا، ساۋلەلەندىرۋ جانە حيرۋرگيالىق ادىسپەن ەمدەلەدى.

 ال جاڭا ءتاسىلدىڭ كومەگىمەن تەرى جاسۋشالارى دىڭگەكتى جاسۋشالارعا تۇرلەنىپ، كەيىننەن ولار قاتەرلى ىسىككە قارسى ءدارى- دارمەكتىڭ قۇرامىنا قوسىلادى. سونىمەن قاتار عالىمدار دىڭگەكتى جاسۋشالاردى ميدىڭ زاقىمدانعان بولىگىنە ءتيىمدى جەتكىزۋ تەحنولوگياسىن دا ويلاپ تاپقان ەكەن. تاجىريبەلەر ءساتتى اياقتالىپ جاتسا، بۇل ادىسپەن ەمدەۋ 2-3 جىلدان كەيىن باستالۋى مۇمكىن، دەپ جازادى 24.kz.

 «تاجىريبەلەردىڭ العاشقى ساتىسىندا ءبىز قاتەرلى ىسىككە شالدىققان تىشقانداردىڭ ءومىر ءسۇرۋ ۇزاقتىعىن 25 كۇننەن 65 كۇنگە دەيىن ارتتىردىق. سول سەبەپتى بۇل ءادىستىڭ بولاشاعى زور دەگەن سەنىمدەمىز. ول بارلىق قاجەتتى كورسەتكىشتەرگە ساي كەلەدى. ەڭ باستىسى، بۇل ءتاسىل ادام اعزاسى ءۇشىن قاۋىپ تۋدىرمايدى جانە قاتەرلى ىسىكتى جويا الادى»، - دەيدى سولتۇستىك كارولينا ۋنيۆەرسيتەتىنىڭ فارماتسيەۆتيكا مەكتەبى پروفەسسورىنىڭ كومەكشىسى شون حينگتگەن.