عالىمدار: جوعارى ءبىلىمدى ادامدار ۇزاق ءومىر سۇرەدى

استانا. قازاقپارات - زەرتتەۋشى ماماندار ءبىلىم دەڭگەيىنىڭ ءومىر سۇرۋگە قاتىسىن انىقتاۋ ماقساتىمەن 1925، 1934، 1945 -جىلى تۋعان ادامداردى زەرتتەۋگە الدى، دەپ جازادى The Daily Mail.

 زەرتتەۋ بارىسىندا بەلگىلى بولعانداي، جوعارى ءبىلىم الماعان ادامداردىڭ عۇمىرى قىسقا بولعان كورىنەدى. بۇل جەردە باسقا دا الەۋمەتتىك فاكتورلار ەسەپكە الىندى.

 عالىمدار ادامداردى ەكىگە ءبولىپ زەرتتەدى: ءبىرىنشىسى 18 جاسىندا بەلگىلى ءبىر وقۋ ورنىن ءتامامداعان ادامدار بولسا، ەكىنشىسى ۋنيۆەرسيتەتتە وقىسا دا، عىلىمي دارەجە الا الماعاندار. سونداي- اق وبىر مەن جۇرەك- قان تامىرلارى اۋرۋىمەن قايتىس بولعاندار دا نازارعا الىندى.

 ا ق ش- تا 2010 - جىلى شامامەن 2,5 ميلليون ادام قايتىس بولعان ەكەن. ماماندار ەگەر بۇل ادامدار ورتا ءبىلىم تۋرالى كۋالىك السا، شامامەن ءولىمنىڭ 5,8 پايىزىن (145243 ءولىم) ازايتۋعا بولار ەدى دەپ ەسەپتەيدى. ءدال وسى شامالاس ءولىمدى ادامدار تەمەكىدەن باس تارتقان جاعدايدا ازايتۋعا بولار ەدى دەپ ەسەپتەيدى. سونىمەن بىرگە 110068 ادامدى باكالاۆر دارەجەسىمەن ج و و ءتامامداعان بولسا، قۇتقارۋعا بولادى ەكەن. بۇل جەردە عالىمدار ءبىلىمدى ادامنىڭ ورتادا دارەجەسى جوعارى بولاتىنىن جانە كىرىسى دە اناعۇرلىم جوعارى بولاتىنىن العا تارتادى. بۇنداي جاعدايدا ادامنىڭ جۇيكەسى دە اناعۇرلىم تىنىش بولادى.