مەدەۋ ارىنبايەۆ «قازاقستان داۋىسى» جوباسىنان كەتتى

 استانا. قازاقپارات - «قازاقستان داۋىسى» جوباسىنىڭ تالىمگەرلەرى اۋىستى. ءۇشىنشى ماۋسىمدا مەدەۋ ارىنبايەۆتىڭ ورنىنا رۇستەم نۇرجىگىت كەلدى.

مەدەۋ ارىنبايەۆ وسىعان دەيىن ەكى ماۋسىمدا قاتىسۋشىلارعا جەتەكشىلىك ەتكەن.

 ايتا كەتەيىك، جۋىردا «قازاقستان داۋىسىنىڭ» جاڭا ماۋسىمى ەفيرگە شىعادى. مامىر ايىندا ەلىمىزدىڭ ءىرى قالالارىندا ارنايى ىرىكتەۋ كەزەڭى ءوتتى. نەگىزىنەن كورەرمەندى دە، قاتىسۋشىلاردى دا قىزىقتىرعانى - كورمەي تىڭداۋ كەزەڭى. ادامنىڭ بەت- الپەتىنە، كيىم ۇلگىسىنە، قيمىل- ارەكەتىنە دە نازار سالماي، بار ىنتانى تەك داۋىسقا بەرۋ - ەشبىر جوبادا بولماعان قۇبىلىس. قازىر كاستينگتەن وتكەن بارشا قاتىسۋشىلار وسى كورمەي تىڭداۋ كەزەڭىنەن وتۋدە، دەپ جازادى baistars.kz.

جوبانىڭ العاشقى ماۋسىمىندا كورەرمەننىڭ قولداۋىمەن نۇرلان الباننىڭ توبىنداعى شاحاريزات سەيداحمەت، ەكىنشى ماۋسىمىندا الماس كىشكەنبايەۆتىڭ شاكىرتى باۋىرجان رەتبايەۆ جەڭىسكە جەتكەن ەدى. ەندى بىرنەشە ۋاقىتتان كەيىن تالىمگەرلەر مەن حالىق بىرىگە وتىرىپ جاڭا جەڭىمپازدى انىقتاۋعا كىرىسەدى.