استانادا جانارماي قۇيۋ ستانساسىنا شابۋىل جاسالىپ، جارتى ميلليونداي تەڭگە قولدى بولدى

استانا. قازاقپارات - استانا پوليتسەيلەرى ءىزىن سۋىتپاي جانارماي قۇيۋ ستانساسىنا قاراقشىلىق شابۋىل جاساعان قاراقشىلار توبىنىڭ ارتىنا ءتۇسىپ، ولاردى ۇستادى.

«استانا ءى ءى د 10- شىلدەدە ساعات 03  تەر شاماسىندا كۇمىسبەكوۆ كوشەسى بويىندا ورنالاسقان جانارماي قۇيۋ ستانساسىنان كۇزەتشىگە كۇش قولدانىپ، كاسسيردى تاپانشاعا ۇقساس زاتپەن قورقىتىپ، كاسسادان جارتى ميلليونعا جۋىق قاراجاتتى ۇرلاپ كەتكەنى جايلى حابارلاما ءتۇستى»، - دەلىنگەن دەپارتامەنتتىڭ باسپا ءسوز قىزمەتىنىڭ حابارلاماسىندا.

جەدەل ىزدەستىرۋ شاراسىنىڭ بارىسىندا پوليتسيا قىزمەتكەرلەرى بىرنەشە ساعات وتپەي، 5 كۇدىكتىنى ۇستادى، ولار س ق و جانە اقمولا وبلىسىنىڭ 22-24 جاس ارالىعىنداعى تۇرعىندارى، ەكەۋى بۇدان بۇرىن ۇرلىق جاساعانى ءۇشىن قىلمىستىق جاۋاپكەرشىلىككە تارتىلعان.

قاراقشىلىق شابۋىل فاكتىسى بويىنشا سوت الدى تەرگەۋ باستالدى.

ۇستالعاندار ايعاقتى دالەل بەرۋدە. زاتتاي ايعاقتار (پنيەۆماتيكالىق تاپانشا، قولدان جاسالعان بەتپەردە، اقشالاي قاراجات) تاركىلەندى. كۇدىكتىلەر ۋ ۇ ي- عا قامالدى. ولاردىڭ باسقا قىلمىسقا قاتىستىلىعىنىڭ بار-جوعى تەكسەرىلۋدە.